چاند کا نظارہ ہمیشہ ہی ہر دیکھنے والے کو اپنے سحر میں جکڑ لیتا ہے اب جدید ٹیکنالوجی کی مدد سے تھری ڈی سیٹلائٹ کے ذریعے آپ بھی چاند کو قریب سے دیکھ سکتے ہیں۔
زمانہ قدیم سے ہی چاند کا نظارہ ہمیشہ ہی ہر دیکھنے والے کو اپنے سحر میں جکڑ لیتا ہے۔ خاص طور پر چودھویں کا چاند ہو تو ہر شخص اس کا نظارہ کرنا چاہتا ہے اور کئی لوگ اس کے لیے خاص اہتمام بھی کرتے ہیں جب کہ اس سے وابستہ داستانیں اور پریوں کی کہانیاں بھی لوگوں کی اس بارے میں دلچسپی بڑھاتی ہیں اور ہر شخص چاند پر جانا اور گھومنا چاہتا ہے۔
اگر آپ بھی چاند کا قریب سے نظارہ کرنا چاہتے اور اس کے اردگرد گھومنا چاہتے ہیں تو اس کے لیے آپ کو چاند پر جانے کی ضرورت نہیں بلکہ زمین سے ہی اس کا نظارہ ممکن ہوگا تاہم اس کے لیے لاطینی امریکا کے ایک ملک چلی کا رخ کرنا پڑے گا۔
جی ہاں چلی میں تھری ڈی سیٹلائیٹ کے ذریعے چاند کو قریب سے دیکھنے اور اس کے گرد گھومنے کا موقع فراہم کیا گیا ہے۔
میوزیم آف دی مون میں چاند کے پرستاروں کے لیے منفرد نمائش کا اہتمام کیا گیا ہے جس میں تھری ڈی ٹیکنالوجی کے ذریعے لوگ نہ صرف چاند کا انتہائی قریب سے نظارہ کر رہے ہیں بلکہ بلکہ اس کے ارد گرد گھوم کر ناقابل فراموش تجربہ بھی حاصل کر رہے ہیں۔
یہ ناقابل فراموش مناظر دیکھنے والوں میں ہر عمر کے مرد وخواتین اور بچے بھی شامل ہیں اور انہوں نے اپنے تاثرات بیان کرتے ہوئے اسے اپنی زندگی کا سب سے یادگار واقعہ قرار دیا ہے۔
چاند سے محبت کرنے والے شائقین کے لیے یہ دلفریب اور ناقابل فراموش نمائش 27 جولائی تک جاری رہے گی۔
