بالی ووڈ کی معروف اداکارہ امیشا پٹیل نے انکشاف کیا ہے کہ ان کے پاس مہنگا ترین بیگ ہے جس سے ایک گھر بھی خریدا جاسکتا ہے۔
بھارتی میڈیا رپورٹس کے مطابق اداکارہ امیشا پٹیل کی فلم غدر ٹو کی کامیابی پر خوب تعریفیں سمیٹ رہی ہیں اور انہیں پرتعیش طرز زندگی گزارنے کے حوالے سے بھی جانا جاتا ہے۔
اداکارہ نے حال ہی میں اپنے استعمال میں مہنگے اور معروف برانڈز کے بیگز رکھنے کے شوق سے متعلق انکشاف کیا ہے، ان کا کہنا ہے کہ وہ تقریباً 12 سال کی عمر سے یہ بیگز اکٹھے کر رہی ہیں۔
امیشا پٹیل نے بتایا کہ ان کے پاس سب سے مہنگے ترین بیگ کی قیمت 70 لاکھ روپے ہے جو کہ ہر لحاظ سے بہترین ہے۔
اداکارہ نے اعتراف کیا کہ اِن کی کلیکشن میں سب سے مہنگا بیگ اس کا ’ہرمیس برکن‘ ہے جس کی قیمت سے گھر بھی خریدا جا سکتا ہے۔
امیشا پٹیل نے ’رولز رائس‘ برانڈ کے اپنے بیگ سے متعلق بات کرتے ہوئے کہا یہ سب سے زیادہ چاہے جانے والا بیگ جس کا ملنا آسان نہیں، اسے حاصل کرنا بہت مشکل ہے، یہ بیگ حاصل کرنے کے لیے آپ کو پانچ سے دس سال تک انتظار کرنا پڑ سکتا ہے مگر خوش قسمتی سے مجھے زیادہ انتظار نہیں کرنا پڑا، میں واقعی خوش قسمت تھی جو مجھے یہ بیگ مل گیا۔
اداکارہ کا مزید کہنا تھا کہ یہ بیگ ان بیگز سے سستا ہے جو بین الاقوامی شہرت یافتہ گلوکارہ ریحانہ اور وکٹوریہ بیکہم جیسی مشہور شخصیات کے پاس ہے۔
امیشا کا کہنا تھا کہ ان کی کلیکشن میں کُل 16 برکن بیگز (بیگز کی خاص شکل) ہیں، یہ بیگز مخلتف اشکال، حجم، رنگوں میں ہیں جو کئی برسوں کے دوران جمع کیے گئے ہیں اور کچھ خاندان سے وراثت کے طور پر بھی ملے ہیں۔
واضح رہے کہ امیشا پٹیل نے فلم کہو نہ پیار ہے سے بالی ووڈ میں ڈیبیو کیا تھا، اداکارہ غدر، غدر ٹو سمیت متعدد فلموں میں اداکاری کے جوہر دکھا چکی ہیں۔
