ممبئی: بالی وڈ کے سپر اسٹار امیتابھ بچن نے اپنے فن کو مودی کی سیاست پر قربان کر دیا.
تفصیلات کے مطابق بگ بی آسکر انعام یافتہ ساؤنڈ ڈیزائنر ، رسل پکوتی کی اولین فلم میں ایک پاکستانی شخص کا کردار نبھانے کا فیصلہ کر چکے تھے، مگر اب وہ اپنے فیصلے سے پیچھے ہٹ گئے.
ایک بھارتی شوبز سائٹ کے مطابق فلم کے ہدایت کار گزشتہ دو برس سے اسکرپٹ پر کام کر رہے تھے، ان کا مسلسل بگ بی سے رابطہ تھا. اس فلم میں پاکستان اور بھارت کے مابین امن کے پیغام کو موضوع بنایا گیا تھا.
البتہ مودی سرکار کی جنونیت نے انڈسٹری کے دیگر اداکاروں کے ساتھ بگ بی کو بھی لپیٹ میں لے لیا.
مزید پڑھیں:’بدلہ‘ کا پوسٹر ریلیز، امیتابھ بچن اور شاہ رخ خان کی دلچسپ نوک جھونک
فلم کی شوٹنگ کے آغاز سے کچھ عرصے قبل امیتابھ بچپن نے یہ فلم کرنے سے معذرت کر لی.
اگرچہ اس ضمن میں کوئی واضح اور ٹھوس وجہ بیان نہیں کی گئی، البتہ بگ بی کے قریبی ذرائع یہی کہتے ہیں کہ وہ موجودہ حالات میں وہ پاکستانی شخص کا کردار نبھا کر کوئی رسک نہیں لینا چاہتے.
خیال رہے کہ اس وقت پوری ہندوستان کو مودی کے جنون نے اپنے لپیٹ میں لے رکھا ہے، جس سے بھارتی کلچرل اور طرز زندگی بری طرح متاثر ہوا ہے.
