The news is by your side.

Advertisement

اسلام آباد ایئرپورٹ پراے این ایف کی کارروائی‘ 2 افراد گرفتار

اسلام آباد: اسلام آباد ایئرپورٹ پر اے این ایف نے کارروائی کرتے ہوئے دو مسافروں کو گرفتار کرکے آئس ہیروئن برآمد کرلی۔

تفصیلات کے مطابق اسلام آباد ایئرپورٹ پراینٹی نارکوٹکس فورس نے مسافر کے قبضے سے1 کلو سے زائد آئس ہیروئن برآمد کرلی۔

اے این ایف حکام کے مطابق ملزم چائے کے پیکٹ میں آئس ہیروئن چھپا کراسمگل کرناچاہتا تھا، ملزم ثاقب کے ہمراہ خاتون جمیل اختربھی سفرکرنا چاہتی تھی۔

اینٹی نارکوٹکس فورس نے ملزم ثاقب اور خاتون کے خلاف مقدمہ درج کرکے تفتیش شروع کردی ہے۔

یاد رہے کہ رواں ماہ 10 مئی کو اسلام آباد ایئرپورٹ پر اے این ایف نے کارروائی کرتے ہوئے دوحہ جانے والے مسافر سے چرس برآمد کی تھی۔

رحیم گل نے منشیات گلاب جامن کے 2 ڈبوں میں چھپائی تھی، ملزم غیر ملکی ایئرلائن کی پروازکیو آر 615 سے دوحہ جا رہا تھا، ملزم خیبر پختونخوا کےعلاقے کرم کا رہائشی ہے۔

واضح رہے کہ 24 مارچ کو اسلام آباد ایئرپورٹ پر اے این ایف نے کارروائی کرتے ہوئے خاتون کو گرفتار کرکے کروڑوں روپے مالیت کی منشیات برآمد کی تھی۔

اے این ایف حکام کے مطابق برطانوی شہریت یافتہ خاتون کوثریونس سے 13کروڑ روپے مالیت کی منشیات برآمد ہوئی، خاتون نے 3 مختلف بیگزمیں 13 کلو ہیروئن چھپائی تھی۔

Comments

comments

یہ بھی پڑھیں