فیصل آباد: صوبہ پنجاب کے ضلع فیصل آباد میں خواجہ سرا کو قتل کردیا گیا ہے۔
پولیس کے مطابق نشاط آباد کے علاقہ چک جھمرہ روڈ پر ایک گھر سے خواجہ سرا کی لاش ملی، جسے تیز دھار آلہ سے قتل کیا گیا، خواجہ سرا کی شناخت علی رضا عرف روپا کے نام پر کی گئی۔
پولیس کے مطابق نامعلوم افراد نے خواجہ سرا کو قتل کیا ہے، جائے حادثے سے شواہد اکٹھےکر نے کے بعد روپا کےساتھی خواجہ سراؤں اور علاقے میں مشتبہ افراد سےپوچھ گچھ کی گئی۔
یہ بھی پڑھیں: با اثر افراد کا خواجہ سرا پر تشدد، ویڈیو وائرل کر دی
آئی جی پنجاب نے بھی فیصل آباد میں خواجہ سرا کے قتل کا نوٹس لیتےہوئے رپورٹ طلب کی تھی، جائے حادثے سے ملنے والے شواہد اور آئی جی پنجاب کے نوٹس پر پولیس حرکت میں آئی اور روپا کے قتل میں ملوث ایک ملزم کو گرفتار کرلیا گیا۔
پولیس کے مطابق ملزم نے خواجہ سرا کو قتل کرنے کا اعتراف کرتے ہوئے بتایا کہ دوسرے لوگوں سےدوستی کرنے پرخواجہ سرا کوقتل کیا۔
