واشنگٹن: امریکی وزیر خارجہ انٹونی بلنکن نے کہا ہے کہ امریکا جسٹن ٹروڈو کے الزامات پر جامع تحقیقات اور احتساب چاہتا ہے۔
تفصیلات کے مطاابق امریکی وزیر خارجہ انٹونی بلنکن نے جمعہ کو کہا کہ کینیڈین وزیر اعظم جسٹن ٹروڈو کے الزامات پر امریکا کو گہری تشویش ہے، اس معاملے میں ہم کینیڈین حکام سے قریبی رابطے میں ہیں۔
انھوں نے کہا ’’ہمارے نزدیک ہردیب سنگھ نجر کے قتل کے معاملے کی تحقیقات انتہائی اہمیت کے حامل ہیں اور ضروری ہے کہ بھارت کینیڈا کے ساتھ مل کر تحقیقات کرے، ہم اس معاملے کی جامع تحقیقات اور احتساب چاہتے ہیں۔‘‘ انٹونی بلنکن کا یہ بھی کہنا تھا کہ اس معاملے پر ہم بھارتی حکومت سے بھی براہ راست رابطے میں ہیں۔
وال اسٹریٹ جرنل نے بھارتی دہشت گردی کے الزام کی تصدیق کر دی
ہردیب سنگھ کو جون میں وینکوور کے قریب قتل کیا گیا تھا اور کینیڈا نے اس قتل میں بھارتی حکومت اور اس کے ایجنٹوں کے ملوث ہونے کا الزام لگایا ہے۔
کینیڈا بھارت کشیدگی پر فائیو آئیز کی چشم کشا رپورٹ
بلنکن نے اقوام متحدہ کی جنرل اسمبلی میں ایک پریس کانفرنس کے دوران جواب دہی کی اہمیت اور ہندوستان پر جامع تحقیقات کی حمایت کرنے پر زور دیا۔ انھوں نے کہا ’’ہم احتساب دیکھنا چاہتے ہیں، یہ بہت ضروری ہے کہ تفتیش اپنے نتیجے پر پہنچے اور مطلوبہ نتائج حاصل کرے۔‘‘
