اسلام آباد : حکومت نے اٹارنی جنرل کی تعیناتی کے لیے مختلف ناموں پر غور شروع کردیا ، شہزاد عطاء الہٰی نے اٹارنی جنرل عہدے سے استعفا دے دیا تھا۔
تفصیلات کے مطابق اٹارنی جنرل کی تعیناتی کے معاملے پر حکومت نے مختلف ناموں پر غور شروع کردیا ، منصور اعجاز اعوان کو نیا اٹارنی جنرل مقرر کیے جانے کا امکان ہے۔
گذشتہ روز اٹارنی جنرل پاکستان شہزاد عطاء الہٰی نے عہدے سے استعفا دے دیا تھا ، ذرائع کا کہنا تھا کہ بیرسٹر شہزاد سے کچھ اہم وجوہات کی بنا پر استعفیٰ دیا ہے۔
مزید پڑھیں : اٹارنی جنرل آف پاکستان بیرسٹر شہزاد عطا الہٰی مستعفی
یاد رہے حکومت نے شہزاد عطاء الہٰی کو دو فروری 2023 کو پاکستان کا اٹارنی جنرل مقرر کیا تھا اور صدرمملکت عارف علوی نے بیرسٹر شہزاد عطاء الہٰی کو اٹارنی جنرل کےعہدے پرتعینات کرنےکی منظوری دی تھی، شہزاد عطاء کو منصورعثمان کے عہدہ نہ سنبھالنے کے باعث اٹارنی جنرل تعینات کیا گیا۔
اس سے قبل اشتراوصاف نے صحت کی خرابی کے باعث بارہ اکتوبر دوہزار بائیس کو اٹارنی جنرل کے عہدے سے استعفا دے دیا تھا۔۔
