اسلام آباد: وفاقی کابینہ نے پاکستان سپرلیگ (پی ایس ایل) سیزن 8 کی سکیورٹی کے لیے فوج اور رینجرز تعینات کرنےکی منظوری دے دی۔
ذرائع کے مطابق وفاقی کابینہ سے وزارت داخلہ کی سمری کی سرکولیشن کے ذریعے منظوری لی گئی ہے۔
ذرائع کا کہنا ہے کہ پنجاب ، سندھ اور اسلام آباد کی انتظامیہ نے فوج اور رینجرز کی تعیناتی کے لیے درخواست کی تھی اور پاکستان کرکٹ بورڈ نے بھی پی ایس ایل کی سکیورٹی کے لیے وفاقی وزیر داخلہ کو خط لکھا تھا۔
واضح رہے کہ پاکستان سپر لیگ سیزن 8 کا میلا آج میں سجے گا، پی ایس ایل سیون کی فائنسلٹ ٹیمیں لاہور قلندرز اور ملتان سلطانز افتتاحی میچ میں ایک دوسرے کے مدمقابل آئیں گی۔
انتظار کی گھڑیاں ختم، پی ایس ایل 8 کا میلہ آج سے رنگ جمائے گا
پاکستان سپر لیگ کے آٹھویں ایڈیشن کا آغاز ملتان میں رنگا رنگ افتتاحی تقریب سے ہوگا۔ گلوکار ساحر علی بگا، عاصم اظہر فارس شفیع، عائمہ بیگ اور شائے گل اپنی آواز کا جادو جگائیں گے
آج سے ایک ٹرافی کے حصول کے لیے 6 ٹیمیں میدان میں ہوں گی۔ ایونٹ میں مجموعی طور پر 34 میچز کھیلے جائیں گے اور تمام ٹیمیں مقابلے کے لیے تیار ہیں۔
