ممبئی: بالی ووڈ اداکار ارجن کپور نے سماجی رابطے کی ویب سائٹ پر اپنی پرانی تصاویر شیئر کیں جس میں اُن کے ساتھ بھارتی فلم انڈسٹری کی ایک معروف اداکارہ بھی موجود ہیں۔
تفصیلات کے مطابق کپور خاندان کے چشم و چراغ ارجن کپور نے اپنے انسٹا گرام اکاؤنٹ پر دو تصاویر شیئر کیں، پہلی تصویر میں ارجن کے ساتھ اُن کی بہن اور کزنز موجود ہیں۔
اگر ارجن کپور اپنی اس پوسٹ میں متعلقہ کزنز کی نشاندہی نہ کرتے تو انہیں پہچاننا بے حد مشکل تھا تاہم اداکار نے اس پوسٹ میں ساتھ موجود انشولا کپور، کزن اور بالی ووڈ اداکارہ سونم کپور، بالی ووڈ ہدایت کار ریہا کپور، بھائی ہرش وردہن اور چچا زاد بہن شنایا کپور کو ٹیگ کر کے مشکل آسان کر ڈالی۔
بالی ووڈ اداکار نے انسٹاگرام پوسٹ میں یہ بھی لکھا یہ کون لوگ ہیں؟
ارجن نے ایک اور تصویر شیئر کی جس میں انہوں نے لکھا کہ ’میں نے سوچا کہ کزن کے ہمراہ بنائی جانے والی پرانی تصویر بھی آپ کے ساتھ شیئر کی جائے‘۔ بالی ووڈ اداکار کی پوسٹ کی ہوئی تصویر میں سونم کپور اور وہ خود موجود ہیں۔
یاد رہے ارجن کپور نے شوبز کا سفر 2012 میں بالی ووڈ فلم عشق زادے سے شروع کیا اور انڈسٹری میں اپنی صلاحیتوں کا لوہا منوایا۔
