ممبئی: بالی ووڈ کے معروف اداکار ونود کھنہ کے بچھڑنے پر جہاں اُن کے اہل خانہ شدت غم سے نڈھال ہیں وہیں اُن کے ساتھی فنکار اور مداح بھی جدائی کے غم میں مبتلا ہیں۔
تفصیلات کے مطابق بالی وڈ کے معروف اداکار ونود کھنہ جو کینسر کے مرض میں مبتلا تھے آج علالت کے بعد 70 برس کی عمر میں ممبئی کے ایک ہسپتال میں انتقال کر گئے۔
لوگوں کے ذہنوں سے ابھی اداکار کی سوشل میڈیا پر جاری ہونے والی تصاویر کے نقوش دھندلے نہیں ہوئے تھے کہ آج اُن کے انتقال کی خبر سامنے آگئی جو ساتھی فنکاروں اور مداحوں پر بجلی بن کر گری۔
پڑھیں: ’’ معروف بھارتی اداکار ونود کھنہ انتقال کرگئے ‘‘
پاکستان کے علاقے پشاور میں 1946 کو پیدا ہونے والے ونود کھنہ نے 140 سے زیادہ فلموں میں اپنی اداکاری کے جوہر دکھائے اور اپنی صلاحیتوں کا لوہا منوایا یہی وجہ ہے کہ اُن کے بچھڑنے پر سب ہی رنجیدہ ہیں۔
ساتھی فنکار رجنی کانت نے انتقال کی خبر سُن کر سماجی رابطے کی ویب سائٹ پر پیغام شیئر کیا کہ ونود کھنہ ہمارے درمیان ہمیشہ زندہ رہیں گے ، میں اُن کے اہل خانہ سے دلی تعزیت کرتا ہوں‘‘۔
My dear friend Vinod Khanna… will miss you, RIP. My heartfelt condolences to the family.
— Rajinikanth (@superstarrajini) April 27, 2017
فلم ساز کرن جوہر نے اس دکھ کی گھڑی کے موقع پر اپنی فلم باہو بلی کے پریمئیر کی تقریب کو مؤخر کرنے کا اعلان کیا۔
As a mark of respect to our beloved Vinod Khanna the entire team of Baahubali has decided to cancel the premiere tonight…
— Karan Johar (@karanjohar) April 27, 2017
اداکارہ ارشد وارثی نے کہا کہ ’’آج ہم ایک اچھے انسان اور اداکار سے محروم ہوگئے، مجھے فخر ہے کہ ونود اور میرا اسکول ایک ہی تھا‘‘۔
Vinod Khana, a brilliant actor & a handsome man, will be missed. Proud to say we were from the same school… RIP
— Arshad Warsi (@ArshadWarsi) April 27, 2017
انوشکا شرما نے ونود کھنہ کی جدائی کو بیان کرتے ہوئے کہا کہ ’’ونود کھنہ ہمارے ہیرو تھے اور وہ ہمیشہ ہمارے دلوں میں زندہ رہیں گے‘‘۔
He will live on forever in all of our hearts as a true hero … #VinodKhanna
— Anushka Sharma (@AnushkaSharma) April 27, 2017
گلوکارہ لتا منگیشکر نے کہا کہ ’’اپنی دور کا بہترین اداکار ہمارے درمیان موجود نہیں، ونود کھنہ کے بچھڑنے سے فلم انڈسٹری کو بہت بڑا نقصان پہنچا ہے‘‘۔
Apni shaili ke behtareen kalakar Vinod Khanna ji aaj hamare bich nahi rahe. Mujhe is baat ka (cont) https://t.co/MqO6CY1Yhb
— Lata Mangeshkar (@mangeshkarlata) April 27, 2017
ساتھی اداکار رشی کپور نے ونود کھنہ کی جدائی کا اظہار ان الفاظ سے کیا کہ ’’1946 میں پاکستان کے شہر پشاور میں پیدا ہوکر برٹش انڈیا آنے والا فنکار ہمیں چھوڑ گیا‘‘۔
Last of the actors born in 1946,Peshawar,then British India,leaves us-Vinod Khanna.
— Rishi Kapoor (@chintskap) April 27, 2017
رشی کپور نے ایک فلم کا پوسٹر بھی اپنے ٹوئٹر پر شیئر کیا جس کے ساتھ انہوں نے تحریر کیا کہ ’’ونود کھنہ مجھے ہمیشہ یاد رہیں گے‘‘۔
Remembering the good times with you,Vinod. Thank you for being my friend. pic.twitter.com/hvZoYeQMEF
— Rishi Kapoor (@chintskap) April 27, 2017
بھارتی اداکارہ روینہ ٹنڈن نے ونود کھنہ کی جدائی پر دکھ کا اظہار کرتے ہوئے کہا کہ ’’آج ہم نے ایک سپر اسٹار کو کھو دیا، جو نہ صرف اچھا فنکار تھا بلکہ ایک اچھا انسان بھی تھا‘‘۔
Was One of the most amazingly Handsome men in the film industry,down to earth warm magnanimous.we lost this superstar today .. RIP Vinodji.
— Raveena Tandon (@TandonRaveena) April 27, 2017
یاد رہے بالی ووڈ ہیرو ونود کھنہ کینسر کے مرض میں مبتلا تھے اور وہ ممبئی کے اسپتال میں زیر علاج بھی تھے، گزشتہ دنوں اُن کی کچھ تصاویر سوشل میڈیا پر وائرل ہوئیں جس میں وہ بہت کمزور اور کافی بیمار دکھائی دے رہے تھے، ساتھی فنکاروں کو جیسے ہی بیماری کا علم ہوا تو سب سے پہلے عمران خان نے ونود کھنہ کو اپنے اعضاء عطیہ کرنے کا اعلان کیا تھا۔
بالی ووڈ اداکار کے بیٹے اکشے کھنہ والد کے نقشے قدم پر چلتے ہوئے فلم انڈسٹری میں اپنے جوہر دکھا رہے ہیں۔
