کراچی: اے آر وائی نیٹ ورک کے زیر اہتمام فوڈ فیسٹیول کے تیسرے روز بھی میوزیکل نائٹ میں نامور پاکستانی گلوکار فرحان سعید اور عاصم اظہر نے شاندار پرفارمنس کا مظاہرہ کیا، عوام کی بڑی تعداد نے شرکت کی۔
تفصیلات کے مطابق کراچی کے علاقے بوٹ بیسن میں واقع بے نظیر بھٹو شہید پارک میں اے آر وائی نیٹ ورک کی جانب سے اے آر وائی فیسٹ کا انعقاد کیا گیا، فوڈ فیسٹیول کا آغاز 22 دسمبر سے ہوا جو 25 دسمبر تک جاری رہے گا۔
گزشتہ دو دن کی طرح تیسرے روز بھی عوام کی بڑی تعداد نے اے آر وائی فیسٹ میں خوب ہلا گلا کیا اور مزیدار کھانوں سے لطف اُٹھایا، بچوں نے جھولے جھول کر خوب انجوائے کیا۔
The rocking performance by @farhan_saeed LIVE now at #ArielARYFeast #Karachi presented by #TapalDanedar
Watch LIVE music concert now on @aryzindagipk
Shaheed Benazir Bhutto Park, Clifton, Karachi from 22nd – 25th of December 2018#ARYDigitalNetwork
Powered by #ARYSahulatWallet pic.twitter.com/jdB00TOG5t— ARY Digital (@arydigitalasia) December 24, 2018
اے آر وائی فیسٹ کے تیسرے روز معروف اداکار عمران اشرف شریک ہوئے اور مداحوں میں گھل مل گئے، مداحوں نے اداکار عمران اشرف کے ساتھ خوب سیلفیاں بنوائیں۔
واضح رہے کہ 22 دسمبر سے شروع ہونے والا فوڈ فیسٹیول 25 دسمبر کی رات 12 بجے تک جاری رہے گا، جس میں روزانہ گرینڈ میوزیکل کنسرٹس کا انعقاد ہوگا اور نامور پاکستانی گلوکار اپنی آواز کا جادو جگائیں گے۔
اے آر وائی نیٹ ورک کی جانب سے شہریوں کے لیے مختلف پروگرامز کا انعقاد کیا جاتا رہتا ہے جسے شہریوں کی جانب سے بھی بھرپور پذیرائی ملتی ہے۔
