اسلام آباد : وفاقی وزیر خزانہ اسد عمر کی زیرصدارت اقتصادی رابطہ کمیٹی کا اجلاس جاری ہے جس میں 7 نکاتی ایجنڈے پرغور کیا جا رہا ہے۔
تفصیلات کے مطابق وفاقی دارالحکومت اسلام آباد میں وزیر خزانہ اسد عمر کی زیر صدارت اقتصادی رابطہ کمیٹی کا اجلاس جاری ہے۔
اجلاس میں پاکستانی ورکرز کے لیے بیرون ملک ملازمتیں بڑھانے کے لیے اقدامات کا جائزہ لیا جائے گا۔
اسد عمر کی زیرصدارت اجلاس میں پاکستان اسٹیل سے متعلق نیب مقدمات میں پیش رفت اور حج کے لیے ایک ارب سے زیادہ کے ضمنی اخراجات کے اجرا پرغور کیا جائے گا۔
اجلاس میں یوریا اور ڈی اے پی کھاد کی طلب و رسد کا سمیت پیٹرولیم مصنوعات کے مارکیٹنگ لائسنس کے نئے طریقہ کار کا بھی جائزہ لیا جائے گا۔
وفاقی وزیر خزانہ اسد عمر کی زیرصدارت اجلاس میں بندرگاہ پرپھنس جانے والے کنٹینرز اور گاڑیوں پررپورٹ پیش کی جائے گی۔
آئی ایم ایف سے اختلاف دور ہوگئے ہیں، وزیرخزانہ اسد عمر
یاد رہے کہ گزشتہ ہفتے وزیرخزانہ اسدعمرکا کہنا تھا کہ آئی ایم ایف اور پاکستان کے درمیان اختلافات میں کمی آئی ہے، امید ہے کہ جلد معاہدہ طے پاجائےگا، کوشش ہوگی آئی ایم ایف سے معاہدہ آخری ہو۔
