The news is by your side.

گرفتاری کا خدشہ : اسد عمر نے درخواست ضمانت دائر کردی

اسلام آباد : پی ٹی آئی جنرل سیکرٹری اسد عمر نے دفعہ 144 کی خلاف ورزی پر درج مقدمے میں درخواست ضمانت دائر کر دی۔

پی ٹی آئی جنرل سیکرٹری اسد عمر نے سیشن عدالت میں دفعہ 144 اور ایمپلی فائر ایکٹ کی خلاف ورزی پر درج مقدمے میں درخواست ضمانت دائر کر دی۔

اسد عمر نے درخواست ضمانت وکیل سردار مصروف خان کے ذریعے دائر کی، جس میں کہا گیا ہے کہ پولیس کے سامنے شامل تفتیش ہونے کو تیار ہوں۔

اسد عمر کا کہنا تھا کہ دفعہ 144 کی خلاف ورزی پر مقدمہ درج کیا گیا، ضمانت منظور کی جائے، خدشہ ہے کہ سوسائٹی میں تضحیک کے لیے گرفتار کیا جائے گا۔

درخواست میں بتایا گیا کہ جب ملک بھر میں احتجاجی ریلیاں نکالی گئیں تو پٹیشنر اس وقت لاہور کی ریلی میں شریک تھا۔

اس سے قبل پی ٹی آئی جنرل سیکرٹری اسد عمر کی عبوری درخواست ضمانت پر اعتراض عائد کردیا گیا تھا، اسلام آباد ہائی کورٹ کے رجسٹرار آفس کی جانب سے اعتراض عائد کیا گیا۔

ذرائع رجسٹرار آفس نے کہا کہ ہائی کورٹ سے پہلے سیشن کورٹ سے ضمانت لینے کا فورم موجود ہے۔

یاد رہے گذشتہ روز اسد عمر نے اسلام آباد ہائی کورٹ میں ضمانت قبل از گرفتاری کی درخواست جمع کرائی تھی۔

Comments

یہ بھی پڑھیں