اے ایس ایف عملے کی ایمانداری، مسافر کے گمشدہ پاؤنڈز اور لیپ ٹاپ لوٹا دیے -
The news is by your side.

Advertisement

اے ایس ایف عملے کی ایمانداری، مسافر کے گمشدہ پاؤنڈز اور لیپ ٹاپ لوٹا دیے

لاہور: صوبہ پنجاب کے دارالحکومت لاہور ایئرپورٹ پر ایئرپورٹ سیکیورٹی فورس کے عملے نے ایمانداری کی شاندار مثال قائم کرتے ہوئے مسافر کے ہزاروں پاؤنڈز اور لیپ ٹاپ اسے واپس لوٹا دیے۔

تفصیلات کے مطابق پی کے757 کی پرواز سے لندن جانے والے مسافر احسن کھوکھر کے سامان میں 16 سو 75 پاؤنڈز اور لیپ ٹاپ موجود تھا جو ان کی روانگی کے وقت ایئرپورٹ لاؤنج میں رہ گیا۔

اے ایس ایف حکام نے جب سامان کو لاوارث حالت میں پایا تو سی سی ٹی وی فوٹیج کی مدد سے مسافر کی کھوج کی گئی۔

مسافر احسن کھوکھر کو جب ان کا گمشدہ سامان لوٹایا گیا تو ان کی خوشی کی کوئی انتہا نہ رہی۔ انہوں نے اے ایس ایف حکام کا بے حد شکریہ ادا کیا۔

احسن کھوکھر پاکستان تحریک انصاف کے رہنما کرامت کھوکھر کے نواسے ہیں اور ان کے مطابق اگر ان کا لیپ ٹاپ انہیں واپس نہ ملتا تو ان کا بے حد قیمتی ڈیٹا ضائع ہوسکتا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں