The news is by your side.

Advertisement

اشرف غنی نے متحدہ عرب امارات میں پناہ لے لی

ابوظبی: افغانستان سے فرار ہونے والے سابق صدر اشرف غنی متحدہ عرب امارات پہنچ گئے۔

میڈیا رپورٹ کے مطابق متحدہ عرب امارات وزارت خارجہ نے اشرف غنی کو پناہ دینےکی تصدیق کردی ہے۔

یواےای وزارت خارجہ کی جانب سے جاری مختصر بیان میں کہا گیا کہ انسانی ہمدردی کی بنیاد پر اشرف غنی اوران کے خاندان کو پناہ دی

واضح رہے کہ کابل پر افغان طالبان کے قبضے کے بعد اشرف غنی نے استعفیٰ دے دیا تھا، استعفی کے فوری بعد ان کے تاجسکتان فرار ہونے کی خبریں منظر عام پرآئی تھی۔

یہ بھی پڑھیں: اشرف غنی تاجکستان میں نہیں تو پھر کہاں ہیں؟ تہلکہ خیز انکشافات

تاجک میڈیا نے بھی اشرف غنی کی آمد کی تصدیق کرتے ہوئے کہا تھا کہ اشرف غنی کے ساتھ حمداللہ محب اور صدارتی آفس کےڈی جی بھی تاجکستان پہنچے۔

افغان حکومت کے چیف ایگزیکٹو عبداللہ عبداللہ نے بھی اشرف غنی کے افغانستان چھوڑنے کی تصدیق کرتے ہوئے کہا تھا کہ سابق صدر افغانستان چھوڑ گئے ہیں۔

بعد ازاں تاجکستان کے دفتر خارجہ نے سابق افغان صدر کے اپنے ملک میں موجودگی کی تردید کرتے ہوئے کہا تھا کہ اشرف غنی کا طیارہ تاجک ائیراسپیس میں داخل نہیں ہوا۔

یہ بھی اطلاعات زیر گردش تھی کہ اشرف غنی نے امریکا سے پناہ حاصل کرنے کی درخواست دے دی ہے۔

Comments

یہ بھی پڑھیں