یوکرینی حکام کا کہنا ہے کہ خارکیف ریجن کے ضلع کپیانسک میں ایک سپر مارکیٹ پر روس کے میزائل حملے کے نتیجے میں کم از کم 51 افراد ہلاک ہو گئے ہیں۔
یوکرین کے وزیر داخلہ نے کہا کہ خارکیف علاقے کے ہروزا گاؤں میں ہونے والے حملے کے میں ہلاکتوں کی تعداد بڑھ کر 51 ہو گئی ہے۔
وزیرداخلہ کلیمینکو نے کہا ابتدائی معلومات کے مطابق روس نے کیفے اور سپر مارکیٹ کو نشانہ بنانے کے لیے اسکندر میزائل کا استعمال کیا ہے۔
انہوں نے بتایا کہ تقریباً 330 افراد کی آبادی پر مشتمل ہروزا کے رہائشی اس کیفے میں ایک یادگاری تقریب میں شرکت کر رہے تھے جسے نشانہ بنایا گیا۔
ان کا کہنا تھا کہ ہر خاندان سے، ہر گھر سے، اس یادگاری تقریب میں لوگ موجود تھے۔
دوسری جانب روس کی طرف سے اس مہلک ترین حملے پر فوری طور پر کوئی تبصرہ نہیں کیا گیا ہے۔ اس واقعے کو یوکرین جنگ کے بدترین واقعات میں سے ایک قرار دیا جارہا ہے۔