لاہور : انسداد دہشت گردی عدالت لاہور نے 9مئی کو کلمہ چوک میں کنٹینر جلانے کے کیس میں 11پی ٹی آئی رہنماؤں کو اشتہاری قرار دے دیا۔
تفصیلات کے مطابق انسداد دہشت گردی عدالت لاہور میں 9مئی کو کلمہ چوک میں کنٹینر جلانے کے کیس کی سماعت ہوئی، عدالت نے11پی ٹی آئی رہنماؤں کواشتہاری قرار دے دیا۔
اشتہاری قرار دیئے جانے والے رہنماؤں میں اعظم سواتی،زبیرنیازی، مرادسعید،حماداظہر،میاں اسلم اقبال ، امتیازاحمدشیخ،وائق قیوم عباسی،مسرت اقبال چیمہ ، جمشید اقبال چیمہ، حامد رضا گیلانی اور صیاد خان شامل ہیں۔
پولیس نے ملزمان کو اشتہاری قرار دینے کی درخواست دائرکی تھی۔
دوسری جانب انسداد دہشتگری عدالت لاہور نے پولیس کی گاڑیاں جلانے کے کیس میں نو اشتہاری ملزمان کی جائیداد قرقی کاحکم دےدیا۔
عدالت نے اعظم سواتی ،زبیر نیازی ،مراد سعید ، حماد اظہر،میاں اسلم ، امتیاز شیخ ،حافظ فرحت ،واثق قیوم عباسی اورحامد رضا کی جائیداد قرقی کے احکامات جاری کئے۔
