آسٹریلیا نے پاکستانی کوچز کی مہارت دیکھتے ہوئے اپنے بلائنڈ کرکٹرز کے لیے دو پاکستانی کوچز کی خدمات حاصل کی ہیں۔
تفصیلات کے مطابق پاکستانی کوچز نے آسٹریلیا کی بلائنڈ کرکٹرز کی کوچنگ شروع کر دی۔ بلائنڈ کرکٹ آسٹریلیا نے پاکستان بلائنڈ کرکٹ کونسل سے کوچنگ کے لیے دو کوچز کی درخواست کی تھی۔
اس وقت پاکستان کے سابق کپتان عبدالرزاق اور محمد جمیل آسٹریلیا میں کوچنگ کے فرائض انجام دے رہے ہیں۔ دونوں کے اخراجات بلائنڈ کرکٹ آسٹریلیا کے ذمہ ہے۔
- Advertisement -
عبدالرزاق اور محمد جمیل پہلے مرحلے میں ایڈیلیڈ میں آسٹریلوی بلائنڈ کرکٹرز کی تربیت کررہے ہیں، پاکستانی بلائنڈ کوچز 8 دسمبر تک برسبین میں آسٹریلوی پلیئرز اور کوچز کو ٹریننگ دیں گے۔
اس حوالے سے چیئرمین پاکستان بلائنڈ کرکٹ کونسل سید سلطان شاہ نے کہا کہ یہ اعزاز کی بات ہے کہ ہمارے کوچز آسٹریلیا میں ٹریننگ دے رہے ہیں۔
