عوامی مسلم لیگ کے سربراہ شیخ رشید نے کہا ہے کہ اسپیکر کا چیف جسٹس کو خط عدلیہ کی خود مختاری پرحملہ ہے اس کے نتائج بہت بھیانک ہونگے۔
عوامی مسلم لیگ کے سربراہ اور سابق وفاقی وزیر شیخ رشید نے ٹوئٹ میں لکھا کہ سپریم کورٹ پر دباؤ، فیصلوں کو نہ ماننا سیاسی موت کو دعوت دینا ہے، قانون پارلیمنٹ کا کام ہے اور اس کی تشریح سپریم کورٹ کرتی ہے۔
غریب مہنگائی بیروزگاری سےمررہاہےاورحکمران نیروکی بانسری بجارہےہےاسپیکرکاچیف جسٹس کوخط عدلیہ کی خودمختاری پرحملہ ہےاستحقاق کمیٹی میں ججوں کوبلانےکی بات کرناٹکراؤکی علامت ہےمیرےنزدیک اسکےنتائج بہت بھیانک ہونگےحکومت انتخاب کےلیے21ارب دینےکی پابند ہےپارلیمنٹ کٹوتی یا انکارنہیں کرسکتی
— Sheikh Rashid Ahmed (@ShkhRasheed) April 27, 2023
سابق وزیر کا کہنا تھا کہ آئین میں 90 دن کے اندر الیکشن لازمی ہیں، من پسند کے فیصلوں کی گنجائش نہیں، صرف آئین کا احترام ہے، سپریم کورٹ نے نواز شریف کو بحال بھی کیا تھا اور گھر بھی بھیجا تھا۔
شیخ رشید کا کہنا تھا کہ پوری دنیا میں سپریم کورٹ کا جو مقام ہے پاکستان میں اسکی توہین کی جارہی ہے، آج جنگل کے قانون کا یا قانون کی بالادستی کا فیصلہ ہوجائے گا، قوم سپریم کورٹ کے ساتھ کھڑی ہے اور ریاستی ادارے سپریم کورٹ کے تابع ہیں۔
سپریم کورٹ نےنواز شریف کو بحال بھی کیا تھا اور گھر بھی بھیجا تھاپوری دنیا میں سپریم کورٹ کوجو مقام حاصل ہے پاکستان میں اس کی توہین کی جارہی ہےآج جنگل کےقانون کا یا قانون کی بالادستی کافیصلہ ہوجائے گا۔پوری قوم سپریم کورٹ کےساتھ کھڑی ہے اور تمام ریاستی ادارے سپریم کورٹ کے تابع ہیں
— Sheikh Rashid Ahmed (@ShkhRasheed) April 27, 2023
انہوں نے ٹوئٹ میں لکھا کہ غریب مہنگائی بیروزگاری سے مر رہا ہے اور حکمران نیرو کی بانسری بجا رہے ہیں، اسپیکر کا چیف جسٹس کو خط عدلیہ کی خود مختاری پرحملہ ہے، استحقاق کمیٹی میں ججز کو بلانےکی بات کرنا ٹکراؤ کی علامت ہے، میرے نزدیک اسکے نتائج بہت بھیانک ہونگے۔