باکو: آذربائیجانی نژاد مصورہ نے ریشم کے شفاف اوراق پرسونے اورچاندی سے قرآن شریف تحریرکردیا۔
آذربائیجانی نژاد 33سالہ مصور نے قرآن شریف کو ریشم کے شفاف اوراق پرنقل کیا ہے، میمد ذادی جنہوں نے ترکی کی مارمرہ یونیورسٹی سے فنِ تاریخ کی تعلیم حاصل کی، انھوں نے اس کی تیاری میں 50 میٹر شفاف کالا ریشم اور 1500 ملی لیٹر سنہری اورچاندی کی سیاہی استعمال کیا۔
یہ قرآن مجید تنزیلے میمد زادے نے اپنے ہاتھ سے تحریر کیا ، قرآن مجید کو باریک اور نفیس ریشم پر لکھا گیا، جس کی لمبائی 11.4 انچ اور چوڑائی 13 انچ ہے۔
میمد ذادی کو پورا قرآن شریف تحریر کرنے میں 3 سال کا عرصہ لگا۔
اس کا کہنا ہے کہ اس نے قرآن شریف کی یہ نقل دیانت کی تصدیق کردہ کاپی سے حاصل کی، جو کہ ترکی کے وزارت مذہبی امورسے منسلک ہے، یہ ریشم کے اوراق پربنایا گیا ہے، جس کی پیمائش 29 ×33 سیٹی میٹر ہے۔
میمد ذادی نے بتایا کہ تحقیق کرنے پرمعلوم ہوا کہ اس سے قبل قرآن شریف کو کئی مختلف طرح کی چیزوں پر نقل کیا گیا لیکن کبھی ریشم پرنقل نہیں ہوا اور یہی بات میرے لئے اس منصوبے پرکام کرنے کے لیے حوصلہ افزا ثابت ہوئی۔
میمد ذادی نے خدا کا شکر ادا کیا ہے کہ وہ اس شاہکار کو مکمل کرنے میں کامیاب ہوئی ہے اور اسے اس بات کی بھی خوشی ہے کہ وہ پہلی خاتون ہے جس نے ایسے منصوبے کو پایۂ تکمیل تک پہنچایا ہے۔
