چٹاگانگ: بنگلا دیش نے پہلے ٹیسٹ میچ میں پاکستان کے خلاف ٹاس جیت کر پہلے بیٹنگ کا فیصلہ کیا ہے۔
تفصیلات کے مطابق پاکستان اور بنگلا دیش کی کرکٹ ٹیموں کے درمیان دو ٹیسٹ میچوں پر مشتمل سیریز کا پہلا میچ ظہور احمد چوہدری اسٹیڈیم، چٹاگانگ میں کھیلا جارہا ہے، جہاں بنگلا دیشی کپتان مومن الحق نے ٹاس جیت لیا ہے۔
قومی ٹیسٹ ٹیم کی قیادت بابر اعظم کررہے ہیں دیگر کھلاڑیوں میں محمدرضوان (نائب کپتان)، عبداللہ شفیق، عابدعلی، اظہر علی، فہیم اشرف، فواد عالم، حسن علی، ،نعمان علی، ساجد خان اور شاہین آفریدی شامل ہے۔
پاکستان کی جانب سے بائیس سالہ عبداللہ شفیق آج ٹیسٹ کرکٹ میں ڈیبیو کیا ہے۔
سعودشکیل، امام الحق، سرفرازاحمد، محمد نواز، زاہدمحمود اور نسیم شاہ ریزرو کھلاڑیوں میں شامل ہیں۔
یہ بھی پڑھیں: پاکستان اور بنگلا دیش آج پہلے ٹیسٹ میں مدمقابل
ٹاس کے بعد گفتگو کرتے ہوئے کپتان بابراعظم کا کہنا تھا کہ ٹاس جیتتے تو پہلے بیٹنگ کرتے، وکٹ پر گھاس موجود ہے، بعد میں شاید اسپنرز کو مدد ملے۔
بابراعظم کا کہنا تھا کہ ٹی ٹوئنٹی کے تسلسل کو برقرار رکھیں گے۔
بنگلا دیشی کپتان مومن الحق کا کہنا تھا کہ چٹاکانگ کی پچ ہمیشہ سے بیٹنگ کے لئے سازگار رہی، ہم ٹیسٹ میں شکیب، تمیم اور تسکین کی کمی کو محسوس کرینگے، ساتھ ہی یہ ٹیسٹ نوجوان لڑکوں کو صلاحیت دکھانے کا بہترین موقع ہے۔
