لندن : دنیا بھر میں ڈیجیٹل بینکنگ کا نظام تیزی سے رائج ہورہا ہے، جس کے سبب صارفین گھر بیٹھے اپنے لین دن کے معاملات باآسانی حل کررہے ہیں۔
اس سلسلے میں برطانیہ کے معروف بینکوں نے آئندہ ہفتے اپنی تقریباً 20 سے زائد برانچیں بند کرنے کا اعلان کردیا ہے۔
برطانوی میڈیا کی رپورٹ کے مطابق ایچ ایس بی سی اور نیٹ ویسٹ کی 20 سے زیادہ شاخیں آئندہ ہفتے بند ہو جائیں گی۔ اس کے علاوہ بینک اور بلڈنگ سوسائیٹیز اس سال سیکڑوں برانچز بند کرنے کے لیے تیار ہیں۔
میڈیا رپورٹس کے مطابق بڑی تعداد میں صارفین کے ڈیجیٹل بینکنگ استعمال کرنے پر بینکوں نے برانچز کی بندش کا اعلان کیا۔
برطانوی میڈیا کے مطابق جن بینکوں کی شاخیں بند ہون گی ان میں لارڈز بینکنگ گروپ، لائیڈ ٹی ایس بی اور بینک آف اسکاٹ لینڈ شامل ہیں جبکہ ہیلیفیکس بینک، ایچ ایس بی سی بنک اور نیٹ ویسٹ بینک بھی اس میں شامل ہیں۔
برطانوی میڈیا کے مطابق سب سے بڑا لارڈز بینکنگ گروپ گزشتہ سال اپنی سیکڑوں برانچز پہلے ہی بند کر چکا ہے۔
واضح رہے کہ دنیا بھر میں جدید ٹیکنالوجی بہت تیزی کے ساتھ ترقی کررہی ہے، ان ایجادات نے دنیا بھر کے ممالک کی سیاسی، معاشی اور سماجی ترقی میں بہت زیادہ مدد کی ہے۔
موبائل فون کے بے تحاشا استعمال اور انٹرنیٹ تک رسائی نے لوگوں کے لیے رابطے کے ذرائع بدل دیے ہیں اور یہ ان کے لیے ایک خاص سہولت بھی ہے۔
