بے نظیربھٹو کی نویں برسی، تیاریاں مکمل، جیالوں کی آمد جاری -
The news is by your side.

Advertisement

بے نظیربھٹو کی نویں برسی، تیاریاں مکمل، جیالوں کی آمد جاری

لاڑکانہ : بے نظیر بھٹو کی نویں برسی کی تقریب گڑھی خدا بخش میں ہوگی۔ تقریب کی تمام تیاریاں مکمل کرلی گئی ہیں ملک بھر سے قافلوں کی لاڑکانہ آمد کا سلسلہ بھی جاری ہے۔

تفصیلات کے مطابق محترمہ بے نظیر بھٹو شہید کے دسواں یوم شہادت کے موقع پر گڑھی خدا بخش لاڑکانہ میں برسی کی تقریب کیلیے پنڈال سج گیا۔

ستائیس دسمبر کی شام اس جگہ پیپلز پارٹی کی قیادت اور کارکن جمع ہوکراپنی شہید لیڈرکو خراج عقیدت پیش کریں گے۔ تقریب کیلیے بم پروف اسٹیج تیار کر لیا گیا۔ اس حوالے سے سیکیورٹی کے فول پروف انتظامات کیے گئے ہیں، برسی میں شرکت کیلیے پارٹی رہنما گڑھی خدا بخش پہنچنا شروع ہوگئے ہیں۔

وزیر اعلیٰ سندھ مراد علی شاہ نے مزار پر حاضری دی، بے نظیر کی قریبی ساتھی ناہید خان بھی مزار پر فاتحہ خوانی کیلیے پہنچیں، جیالوں کی بڑی تعداد بھی برسی میں شرکت کیلیے گڑھی خدا بخش آرہی ہے۔

 کارکنان بڑی تعداد میں بے نظیر بھٹو کے مزار پر حاضری دے کر قرآن خوانی بھی کررہے ہیں۔ ملک کے مختلف علاقوں سے جیالے قافلوں کی صورت میں لاڑکانہ کی جانب رواں دواں ہیں۔

Comments

comments

یہ بھی پڑھیں