دبئی : متحدہ عرب امارات میں مادام تساؤمیوزیم میں بینظیربھٹو کے مجسمے کی رونمائی کی گئی، بینظیر بھٹو پہلی پاکستانی ہے، جن کا مجسمہ تساؤ میوزیم میں رکھا گیا ہے۔
تفصیلات کے مطابق دبئی کے مادام تساؤ میوزیم میں بینظیر بھٹو کے مومی مجسمے کی تقریب منعقد کی گئی، جس میں بلال بھٹو نے شرکت کی۔
بینظیر بھٹو کامومی مجسمہ مادام تساؤ میوزیم میں کسی پاکستانی شخصیت کے رکھے جانے والا پہلا مجسمہ ہے۔
اس موقع پر وزیر خارجہ بلاول بھٹو نے کہا میری والدہ نے خواتین کے حقوق کیلئےہمیشہ آواز اٹھائی اور دنیابھرمیں امن کی داعی رہیں۔
خیال رہے وزیر خارجہ بلاول بھٹو نے متحدہ عرب امارات کے دورے کے دوران یو اے ای کے وزیرخارجہ عبداللہ بن زید سے ملاقات کی۔
بلاول بھٹو نے شیخ سعیدبن زید کے انتقال پر تعزیت کی جبکہ ملا قات میں دوطرفہ تعلقات کا جائزہ، اور علاقائی و عالمی امور پر تبادلہ خیال کیا گیا۔
بلاول بھٹو نے پاکستان کی غیرمتزلزل حمایت پر یو اے ای کی حکومت کا شکریہ ادا کیا۔
