واشنگٹن: امریکہ میں الیکٹورل کالج کی سرکاری ووٹنگ مکمل ہونے کے بعد جوبائیڈن کو باضابطہ طور پر فاتح قرار دے دیا گیا ہے، ٹرمپ نے ایک بار پھر جوبائیڈن کو صدر ماننے سے انکار کردیا ہے۔
بین الاقوامی میڈیا رپورٹ کے مطابق امریکی انتخابات میں الیکٹورل کالج کی سرکاری ووٹنگ مکمل ہونے کے بعد بائیڈن فاتح قرار پائے ہیں، جو بائیڈن نے 306 جبکہ صدر ٹرمپ نے 232 الیکٹورل ووٹ حاصل کئے۔
اس کے علاوہ امریکا کے اٹارنی جنرل ولیم بار نے مستعفی ہونے کا اعلان کیا ہے، اپنے استعفے میں ولیم بار نے ٹرمپ کی تعریفوں کے پل باندھ دئیے، اٹارنی جنرل کا کہنا تھا کہ ٹرمپ نے امریکی تاریخ میں مضبوط ترین معیشت کی بنیاد رکھی، صدر ٹرمپ نے مشرق وسطی میں امن معاہدے کرائے اور ٹرمپ نے بروقت کورونا ویکسین کے ذریعے لاکھوں جانیں بچائیں۔
ڈونلڈ ٹرمپ نے بھی ولیم بار کی خدمات کا اعتراف کرتے ہوئے کہا کہ اٹارنی جنرل نے بہترین خدمات انجام دیں، اٹارنی جنرل کے مستعفی ہونے پر ڈپٹی اٹارنی جنرل جیف روزین قائم مقام اٹارنی جنرل کا عہدہ سنبھالیں گے۔
Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family…
— Donald J. Trump (@realDonaldTrump) December 14, 2020
