متحدہ عرب امارات کی فضائی کمپنی اتحاد ایئر ویز نے مسافروں کے لیے سمر سیل لگا دی ہے جس کے تحت متعدد بین الاقوامی روٹس پر مسافروں کے لیے بڑی رعایت کا اعلان کیا ہے
غیر ملکی میڈیا کے مطابق متحدہ عرب امارات کی فضائی کمپنی اتحاد ایئرویز نے مسافروں کے لیے سمر سیل لگا دی ہے جس کے تحت متعدد بین الاقوامی روٹس پر اکانومی اور بزنس کلاس کے ٹکٹس پر بڑی رعایت دینے کا اعلان کیا گیا ہے۔
اس سمر سیل سے یو اے ای سے ترکیہ، عمان، تل ابیب، ویانا، منیلا، بنکاک جانے والے مسافر فائدہ اٹھا سکتے ہیں۔
رپورٹ کے مطابق تل ابیب جانے والے مسافر کے لیے اکانومی کلاس کا ٹکٹ 795 درہم جب کہ عمان جانے والوں کے لیے 895 درہم مقرر کیا گیا ہے۔
ترکیہ کے مشہور شہر استبول جو اپنے مشہور اور تاریخی مقامات کے ساتھ مشرقی اور مغربی ثقافتوں کا حسین امتزاج گردانا جاتا ہے وہاں جانے والے مسافر 935 درہم میں اتحاد ایئر ویز کے ذریعے یہ خوبصورت سفر کرسکتے ہیں۔
حیرت انگیز ساحلوں، سرفنگ کے مقامات کے خواہاں افراد 2,395 درہم سے منیلا کے لیے پرواز کر سکتے ہیں جب کہ بنکاک کے اکانومی کلاس کے کرایے 2,495 درہم سے شروع ہوتے ہیں۔ بزنس کلاس کے کرایے 9,995 درہم میں دستیاب ہیں۔
ویانا کیلیے اکانومی کلاس کا ٹکٹ 1,195 درہم اور بزنس کلاس میں 13,495 درہم ادا کرکے سفر کو پرلطف بنایا جا سکتا ہے۔
