ممبئی: سماجی رابطے کی ویب سائٹ ‘ٹوئٹر’ نے بھارتی اداکارہ کنگا رناوت کا اکاؤنٹ مستقل طور پر معطل کردیا۔
غیرملکی خبررساں ادارے کی رپورٹ کے مطابق ٹوئٹر کے اصول وضوابط کی خلاف ورزی پر اداکارہ کا اکاؤنٹ معطل کیا گیا، کنگا رناوت اپنے متنازع ٹوئٹس کی وجہ سے ہمشہ خبروں کی زینت بنتی رہی ہیں۔
بھارتی اداکارہ نے حالیہ دنوں مرحلہ وار ٹوئٹس کے ذریعے انتخابی نتائج کا اعلان کیا تھا اور مغربی بنگالی میں ہونے والے مبینہ تشدد پر تبصرہ کرتے بھی نظر آئیں۔
کنگا نے بھارت میں مصنوعی آکسیجن کی زائد پیداوار پر بھی ٹوئٹس کیے تھے۔ مصنوعی آکسیجن کے پلانٹس نصب کرنے کے معاملے پر اداکارہ نے ٹوئٹر پر پیغام دیا جس میں وہ خاصی برہم نظر آئی تھیں۔
Kangana Ranaut’s Twitter account got suspended for violating the Twitter Rules.
Bye-Bye Hate Monger Kangana Ranaut #KanganaRanaut pic.twitter.com/QPfu2uRGZp
— Deepak Khatri | दीपक खत्री 🇮🇳 (@Deepakkhatri812) May 4, 2021
انہوں نے لکھا تھا کہ بھارت میں آکسیجن کے زیادہ سے زیادہ پلانٹس لگائے جارہے ہیں جبکہ سلینڈرز ٹنوں کے حساب سے میسر ہیں، ہم کس طرح اس ساری آکسیجن کا بدلہ دے سکیں گے جو زبردستی ماحول سے لی جا رہی ہے؟۔
اداکارہ کا کہنا تھا کہ لگتا ہے ہم نے اپنی ماضی کی غلطیوں اور تباہی سے کچھ نہیں سیکھا ہے۔
یاد رہے کہ بھارت میں کورونا کی بگڑتی صورت حال کے پیش نظر مودی سرکار نے 3 ماہ کے دوران 500 میڈیکل آکسیجن پلانٹس لگانے کا فیصلہ کیا ہے جو ایک منٹ کے اندر 1 ہزار لیٹر گیس فراہم کریں گے۔
