ملتان: شاہ محمود قریشی کا کہنا ہے کہ پیرس کا سانحہ افسوسناک یے دنیا کا کوئی مذہب اس طرح کے ظلم و ستم کی اجازت نہیں دیتا۔
بلدیاتی انتخابات کے حوالے سے کارنر میٹنگ سے خطاب سے قبل میڈیا سے گفتگو کرتے ہوئے ان کا کہنا تھا کہ آرمی چیف دورہ امریکہ کے موقع پر افغانستان کے حوالے سے پاکستانی کی سوچ، جذبات اور احساسات پہنچائیں گے۔
انہوں نے کہا کہ دہشت گردی کے خلاف پاکستانی فورسز اور عوام نے بہت قربانیاں دی ہیں اور ضرب ضرب آپریشن کامیابی سے جاری ہے۔
ایک سوال کے جواب میں ان کا کہنا تھا کہاکہ انڈیا اگر کرکٹ نہیں کھیلتا تو نہ کھیلیں ہمارے کرکٹ بورڈ کو چاہئیے وہ کسی اور سے کھیل لیں دنیا میں اور بھی بہت سے ممالک ہیں۔۔ سیریز نہ ہونے سے صرف ہمیں نہیں ان کو بھی نقصان ہوگا۔
شاہ محمود قریشی کا کہنا تھا کہ عمران خان نے بلاول کے بارےمیں کہا تھا کہ بینرز پر تصویریں لگانے سے کوئی لیڈر نہیں بنتا، عمران نے بلاول کو بے بی کے نام سے اس لیئے پکارا وہ سیاسست جہاں نو وارد ہیں۔
بلاول کے پاس کوئی اختیارات ہنہیں فیصلے زرداری کررہے ہیں،سندھ میں فریال تالپور کا حکم چلتا ہے۔
