بھارتیہ جنتاپارٹی کرپشن صاف کرنے والی “واشنگ مشین”پارٹی بن گئی اور سیاسی مخالفین کو جھوٹے کرپشن کیسز میں پھنسا کر انہیں بلیک میل کرنا شروع کردیا۔
تفصیلات کے مطابق مودی سرکار نے اقتدارکےحصول کے لئےسیاسی مخالفین کےگرد گھیرا تنگ کر دیا اور انتخابات کےقریب آتےہی مودی سرکارکی منفی اورزہریلی انتخابی مہم زورپکڑنےلگی۔
بھارتیہ جنتا پارٹی کے رہنماؤں نے سیاسی مخالفین کوجھوٹےکرپشن کیسز میں پھنساکرانہیں بلیک میل کرناشروع کردیا۔
مہارشٹراکےیونین منسٹرراؤصاحب دانوے نے کہا ہے کہ’’جوبھی بی جے پی میں آتا ہے وہ پارٹی کی واشنگ مشین کے ذریعے پاک اور کرپشن سے صاف ہو جاتا ہے۔‘‘
اکنامک ٹائمز نے کہا کہ بی جے پی میں شامل ہونے والے سیاستدانوں پر چلنے والے کرپشن کیسز بھی ختم کر دیے جاتے ہیں جبکہ مصنف سنجے جاہ کا کہنا تھا کہ بی جے پی اقتدارمیں رہنے کیلئے کسی بھی حدکو پار کرسکتی ہے۔
واشنگ مشین کی بیانیے پر کانگرس اور دیگر سیاسی جماعتوں نے مودی سرکار کو آڑے ہاتھوں لیا، مہاراشٹرا میں بی جے پی کے ساتھ اتحاد کرنے والے کئی کارکنان کو سنگین مقدمات سے چٹ مل گئی۔
بی جے پی میں شامل ہونے والے سی بی آئی اور انکم ٹیکس دیپارٹمنٹ کی جانب سے بدعنوانی کے سنگین الزامات میں مطلوب تھے، 2014 سے لے کر اب تک تقریباً 25 اپوزیشن لیڈران کو کرپشن کا سامنا کرنے پر بی جے پی میں شامل ہونے کے بعد مقدمات سے بری کر دیا گیا۔
جمہوریت کا راگ الاپنے والی مودی سرکار کا انتخابات کے قریب آتے ہی بھیانک چہرہ دنیا پر عیاں ہو گیا
