بی جے پی انتخابات ہاری تو پٹاخے پاکستان میں چلیں گے،بھارتی رہنما -
The news is by your side.

Advertisement

بی جے پی انتخابات ہاری تو پٹاخے پاکستان میں چلیں گے،بھارتی رہنما

نئی دہلی : انتہا پسند ہندو تنظیم بھارتیہ جنتا پارٹی پاکستان کے خلاف زہراگلنے کا کوئی نہ کوئی موقع نکال لیتی ہے۔بھارتی ریاست بہارمیں ہونے والے انتخابات جیتنے کے لئے بھی بی جے پی نے پاکستان دشمنی کا سہارا لے لیا۔

بہار میں ہونے والے انتخابات کا پانچویں میں سے ابھی دوسرا مرحلہ شروع ہوا ہے کہ بھارتی انتہا پسند تنظیم بی جے پی کے سیاستدانوں نے پاکستان کیخلاف زہر اگلنا شروع کر دیا۔

بھارتی میڈیا کے مطابق بی جے پی کے صدرامیت شاہ نے بہارمیں انتخابی جلسے سے خطاب کرتے ہوئے ایک بار پھرپاکستان کے خلاف ہرزہ سرائی کرتے ہوئے کہا کہ اگربی جے پی انتخابات میں ہارگئی توپاکستان میں خوشیاں منائی جائیں گی اورپٹاخے چلائے جائیں گے۔

انہوں نے انتہا پسند ہندوؤں سے اپیل کی کہ وہ بی جے پی کو ووٹ دے کرپاکستان کوخوش ہونے کا موقع فراہم نہ کریں۔

Comments

comments

یہ بھی پڑھیں