site
stats
عالمی خبریں

بلیک فرائیڈے، امریکا میں ریکارڈ خریداری

واشنگٹن: دنیا بھر میں بلیک فرائیڈے کے موقع پر خریداروں نے خصوصی سیلوں پر خوب خریداری کی، ایک محتاط اندازے کے مطابق اس سال تیرہ کروڑ سے زائد امریکیوں نے بلیک فرائیڈے کی سیل سے فائدہ اٹھایا۔

تفصیلات کے مطابق امسال بھی نومبر کے آخری جمعے کو بلیک فرائیڈے کے موقع دنیا بھر میں صارفین کے لیے خصوصی سیل کے پیکجز متعارف کروائے گئے تھے، دنیا بھر کے لوگوں نے بلیک فرائیڈے کے موقع پر خوب خریداری کی۔

امریکا میں پورا سال سیل کا انتظار کرنے والے عوام سیل شروع ہوتے ہی اسٹورز پر ٹوٹ پڑے اور بچت اسکیموں سے فائدہ اٹھانے کے لیے بہت خریداری کی، امریکا میں شاپنگ سینٹر کے دروازے کھلتے ہی خریداروں کی بڑی تعداد اپنی پسندیدہ چیزوں کی خریداری میں مصروف رہی۔

کیلی فورنیا میں شہریوں کی بڑی تعداد اس طرح شاپنگ سینٹر پر امنڈ آئی جیسے سب کی لاٹری کھل گئی، نیویارک میں بھی عوام نے بلیک فرائیڈے کی سیل کا بھر پور فائدہ اٹھایا۔ ایک محتاط اندازے کے مطابق اس بار بلیک فرائیڈے کے موقع پر صرف امریکا میں 13 کروڑ روپے سے خریداری کی گئی جو گزشتہ سال کی نسبت زیادہ ہے۔

خیال رہے دنیا بھر میں بلیک فرائیڈے کے موقع پر عوام کے لیے خصوصی سیل کا اہتمام کیا جاتا ہے، پاکستان میں بھی آن لائن شاپنگ کرنے والی ویب سائٹس نے خریداروں کے لیے ڈسکاؤنٹ سیل متعارف کروائی تھی۔

واضح رہے کہ بلیک فرائیڈے کے موقع پرعوام کی بھرمار کے سبب امریکی سپر اسٹورز میں دھکم پیل، لوٹ مار اور مار دھاڑ کے واقعات پیش آتے ہیں جس کے سبب اسٹور مالکان پریشانی کا شکار رہتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top