لندن: برطانوی دارالحکومت لندن کے جنوبی حصے میں واقع زیر زمین ٹرین اسٹیشن پارسنز گرین انڈر گراؤنڈ میں کھڑی ٹرین میں ایک بالٹی میں رکھا گیا بم دھماکے سے پھٹ گیا جس کے نتیجے میں 20 افراد جھلس کر زخمی ہوئے ہیں۔
دھماکہ مقامی وقت کے مطابق 8 بج کر 20 منٹ پر پیش آیا۔ برطانوی پولیس نے واقعے کو دہشت گردی قرار دیا ہے۔
پولیس کی جانب سے فراہم کی گئی مزید معلومات کے مطابق بم کسی سپر اسٹور کے تھیلے کے اندر سفید رنگ کی بالٹی میں رکھا گیا تھا اور ابتدائی تفتیش کے مطابق بم گھریلو ساختہ تھا۔ دھماکے کے بعد بالٹی میں آگ بھڑک اٹھی۔
Work colleague was on district line train at Parsons Green when bag exploded #london pic.twitter.com/1yXOsFVAJ1
— Andy Webb (@andyjohnw) September 15, 2017
These photos apparently show what caused the explosion on the #London underground. pic.twitter.com/wFnVztnZrd
— Strategic Sentinel (@StratSentinel) September 15, 2017
دھماکے میں 2 افراد کے شدید جھلسنے کی اطلاع ہے جبکہ مجموعی طور پر اب تک 20 افراد زخمی ہوئے ہیں جنہیں مختلف اسپتالوں کی طرف روانہ کردیا گیا ہے۔ زیادہ تر افراد کے چہروں پر زخم آئے ہیں۔
ریسیکو ٹیمیں، پولیس اور متعدد ایمبولینسز دھماکے کے مقام پر موجود ہیں اور امدادی کارروائیاں جاری ہیں۔
واقعے کے بعد ایجوئیر روڈ اور ومبلڈن کے درمیان ٹرین سروس معطل کردی گئی ہے۔
برطانوی رہنماؤں کا ردعمل
پارسنز گرین انڈر گراؤنڈ ٹیوب میں دھماکے کے بعد برطانوی وزیر اعظم تھریسا مئے نے سماجی رابطوں کی ویب سائٹ ٹوئٹر پر ٹوئٹ کرتے ہوئے زخمی ہونے والے افراد سے ہمدردی کا اظہار کیا جبکہ امدادی کارروائیوں میں مصروف اداروں کی حوصلہ افزائی بھی کی۔
PM: My thoughts are with those injured at Parsons Green and emergency services who are responding bravely to this terrorist incident.
— UK Prime Minister (@Number10gov) September 15, 2017
برطانوی میڈیا کے مطابق انہوں نے کابینہ کا ہنگامی اجلاس بھی طلب کرلیا ہے۔
دوسری جانب لندن کے میئر صادق خان نے میٹرو پولیٹن پولیس کا حوالہ دیتے ہوئے اس بات کی تصدیق کی کہ مذکورہ واقعہ دہشت گردی کا شاخسانہ ہے۔
The @metpoliceuk have confirmed that the explosion on a train at Parsons Green Station is being treated as terrorism https://t.co/4jRHedcBXt pic.twitter.com/Vbt5uCFpih
— Sadiq Khan (@SadiqKhan) September 15, 2017
انہوں نے کہا کہ وہ موقع پر موجود پولیس اور دیگر امدادی اداروں سے رابطے میں ہیں اور ساری صورتحال کا جائزہ لے رہے ہیں۔
I’m in contact with @metpoliceuk and emergency services about the incident at Parsons Green. Follow @metpoliceuk for updates & advice.
— Sadiq Khan (@SadiqKhan) September 15, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
