The news is by your side.

Advertisement

کابل ایئرپورٹ کے قریب مکان پر راکٹ حملہ، بچے سمیت 2 جاں‌ بحق، تین زخمی

کابل: افغانستان کے دارالحکومت میں قائم حامد کرزئی انٹرنیشنل ایئرپورٹ کے قریب راکٹ حملہ ہوا، جس میں ایک بچے سمیت دو جاں بحق جبکہ تین زخمی ہوگئے۔

افغان میڈیا رپورٹ کے مطابق کابل کے علاقے خواجہ بگھرا میں ایک گھر پر راکٹ داغا گیا، جس کے دھماکے کی آواز دور دور تک سنی گئی اور آسمان پر دھوئیں کے سیاہ بادل دیکھے گئے۔

عرب میڈیا رپورٹ کے مطابق راکٹ حملے میں ایک بچہ جاں بحق جبکہ تین افراد زخمی ہوئے ہیں۔

قبل ازیں افغان میڈیا نے خبر بریک کی تھی کہ کابل ایئرپورٹ کے قریب دھماکے کی زور دار آواز سُنی گئی ، جس کا تعین کرنے کے لیے ریسکیو ٹیموں کو جائے وقوعہ کی طرف روانہ کردیا گیا۔

غیرملکی صحافی نے سماجی رابطے کی ویب سائٹ پر ایک ویڈیو شیئر کی، جس میں سیاہ دھواں دیکھا جاسکتا ہے۔

یاد رہے کہ ایک روز قبل امریکی صدر جوبائیڈن نے میڈیا سے گفتگو کرتے ہوئے پیش گوئی کی تھی کہ کابل میں مزید دھماکوں کا امکان ہے، امریکی کمانڈوز کو اس حوالے سے معلومات موصول ہوئیں ہیں۔

مزید پڑھیں: کابل دھماکا: ’امریکا نے داعش کے لیے راہ ہموار کی‘

یہ بھی پڑھیں: کابل ایئر پورٹ پر ایک اور حملے کا خدشہ

انہوں نے بتایا تھا کہ اس سے قبل کابل ایئرپورٹ کے مشرقی دروازے پر ہونے والے دھماکے میں ملوث شدت پسند گروہ داعش کے ٹھکانے کو بھی نشانہ بنایا گیا ہے۔

یاد رہے کہ تین روز قبل کابل ایئر پورٹ پر دھماکا ہوا، جس میں 170 سے زائد شہری، امریکی فوجی ہلاک ہوئے، امریکا نے خود کش دھماکوں کے رد عمل میں افغانستان میں ایک ڈرون حملہ کیا، امریکی سینٹرل کمانڈ کے مطابق ننگرہار میں حملے میں داعش خراسان کا ایک رکن مارا گیا، ہلاک داعش رکن امریکا پر حملوں کی منصوبہ بندی میں ملوث تھا۔

Comments

یہ بھی پڑھیں