بالی ووڈ میں چاکلیٹی ہیرو کے طور پر انٹری دینے والے اداکار شاہد کپور نے بدمعاشیوں سے بھرپور کرداروں کے ذریعے اپنی نئی شناخت بنا لی ہے۔
ان دنوں بھارتی فلم انڈسٹری میں ایکشن فلموں کا دور دورہ ہے، جب سے شاہ رخ خان کی فلم ’پٹھان‘ نے ریکارڈ توڑے ہیں، انڈسٹری میں ہر طرف ایکشن فلموں کی گونج سنائی دے رہی ہے۔
کچھ اداکار ایکشن سے بھرپور کرداروں زبردست طور سے فٹ بیٹھتے ہیں اور جب ڈارک ورلڈ یعنی جرائم کی تاریک دنیا کی بات آتی ہے تو پھر کوئی بھی شاہد کپور کو ہرا نہیں سکتا!
تو اب، ڈارک ورلڈ کے بادشاہ شاہد کپور نے ’بلڈی ڈیڈی‘ کے نام سے بنی فلم میں اپنے بدمعاشوں والے اسٹائل سے انٹرنیٹ پر دھوم مچا دی ہے۔ علی عباس ظفر کی ہدایت کاری میں بننے والی یہ فلم 2011 کی فرانسیسی فلم ’نیوٹ بلانچ‘ کی سے لی گئی ہے۔
Get ready for a BLOODY good time at the movies. #BloodyDaddy releasing on June 9, 2023@aliabbaszafar @iHimanshuMehra #JyotiDeshpande @SunirKheterpal @gauravbose_TVW @jiostudios @JioCinema @AAZFILMZ @teamoffside #TheVermillionWorld @DianaPenty #SanjayKapoor @RonitBoseRoy
(1/2) pic.twitter.com/GBEDbWbIAq
— Shahid Kapoor (@shahidkapoor) April 13, 2023
ٹریلر کا آغاز سنسنی خیز بیک گراؤنڈ اسکور کے ساتھ شاہد کپور کی شان دار انٹری کے ساتھ ہوتا ہے، ڈیپر سوٹ میں وہ بے حد خطرناک نظر آ رہا ہے اور اس کے ہاتھ میں چاقو ہے، اور پھر وہ اس چاقو کے ذریعے کئی غنڈوں کو خون میں نہلا دیتا ہے۔
ٹریلر میں اداکار سنجے کپور بھی پوچھتے نظر آتے ہیں کہ ’’یہ کیا ہو رہا ہے؟‘‘ ٹریلر ہی سے معلوم ہوتا ہے کہ فلم مافیا، منشیات، پولیس، خاندان اور ڈھیر سارے بہتے خون کے بارے میں ہے۔
واضح رہے کہ انڈسٹری میں اپنے ابتدائی سالوں میں شاہد کپور چاکلیٹ ہیرو کے طور پر سامنے آئے تھے جو رومانوی کامیڈی فلموں کے لیے مشہور ہو گئے تھے لیکن پھر وشال بھردواج نے اسکرین پر ان کی پہچان ہی بدل کر رکھ دی، اور ان کے اندر سے ایک نیا ایکشن ہیرو برآمد کر لیا۔ حال ہی میں ریلیز ہونے والی ویب سیریز فرضی نے اپنے پلاٹ اور شاہد کپور کی شان دار پرفارمنس کی بدولت کئی ریکارڈ توڑ دیے ہیں۔
