لاہور : بلوچستان نیشنل پارٹی نے ملٹری کورٹس کی مخالفت کردی ، رہنما ہاشم نوتیزئی نے کہا کہ موقف واضح ہے ملٹری کورٹس نہیں ہونی چاہیے۔
تفصیلات کے مطابق بلوچستان پارٹی کے رہنما ہاشم نوتیزئی نے اے آر وائی نیوز سے خصوصی گفتگو میں فوجی عدالتوں کے سوال پر کہا کہ ملٹری کورٹس پر بی این پی کا موقف واضح ہے یہ نہیں ہونی چاہیے۔
ہاشم نوتیزئی کا کہنا تھا کہ جو عدالتیں موجود ہیں بس اسی میں ہر کسی کا ٹرائل ہو۔
- Advertisement -
خیال رہے سپریم کورٹ میں سویلینز کے فوجی عدالتوں میں ٹرائل کے خلاف درخواستیں زیر سماعت ہیں۔
عدالت عظمیٰ نے اٹارنی جنرل منصور عثمان اعوان کی جانب سے یقین دہانی کرائے جانے کے بعد فوجی عدالتوںکی کارروائی روکنے کی استدعا مسترد کر دی اور سماعت جولائی کے دوسرے ہفتے تک ملتوی کر دی تھی۔
