کراچی : داؤدی بوہرہ جماعت آج عید الفطر منا رہی ہے، صدر میں واقع مرکزی جامع میں نماز عید ادا کی گئی، جس میں بڑی تعداد میں بوہری برادری نے شرکت کی۔
تفصیلات کے مطابق کراچی میں داؤدی بوہرہ برادری آج عیدالفطرمنارہی ہے ، مختلف مقامات پرداؤدی بوہرہ برادری نےعیدالفطرکی نمازادا کی۔
بوہرہ برادری کی نمازعید کا سب سے بڑا اجتماع صدر میں ہوا، جس میں بوہرہ برادری کے بچوں، جوان اور بزرگوں نے بڑی تعداد میں شرکت کی۔
داؤدی بوہرہ جماعت کی جانب سے ملک و قوم کے لئے خصوصی دعائیں کی گئیں۔
خیال رہے پاکستان اورسعودی عرب میں بدھ کو ایک ساتھ عید ہونے کا امکان ہے ، پاکستان میں عید کا چاند دیکھنے رویت ہلال کمیٹی آج بیٹھے گی۔
مولانا عبدالخبیرآزاد کی زیرصدارت اجلاس اسلام آباد میں ہوگا جبکہ صوبائی دارالحکومتوں میں زونل کمیٹیوں کےاجلاس ہوں گے۔
محکمہ موسمیات کا کہنا ہے کہ پاکستان میں آج چاند نظر آنے کا قوی امکان ہے، ملک کے اکثر حصوں میں مطلع صاف ہوگا اور انسانی آنکھ سے نظر آنے کیلئے چاند کی عمرپوری ہوگی۔
