کراچی : شہر قائد میں غیرت کے نام پر لڑکا اور لڑکی کو قتل کردیا گیا ، پولیس نے دوہرے قتل میں ملوث ڈاکٹر رفیق کو گرفتار کرلیا ہے۔
تفصیلات کے مطابق کراچی کے علاقے سہراب گوٹھ پر الاصف اسکوائر بھکر گوٹھ کے قریب گاڑی سے 2 لاشیں برآمد ہوئی، لڑکے اور لڑکی کو فائرنگ کر کے قتل کیا گیا ، لڑکی کی عمر17سال، لڑکےکی عمر20سال کےقریب ہے۔
واقعے کے بعد لڑکا اور لڑکی کا قتل غیرت کے نام پر کرنے کا انکشاف سامنے آیا ہے، پولیس نے دوہرے قتل میں ملوث ڈاکٹر رفیق کو گرفتار کر کے ملزم کے قبضے سے آلہ قتل برآمد کرلیا۔
ایس پی سہراب گوٹھ نے بتایا کہ ملزم ڈاکٹررفیق نےغیرت کےنام پردونوں کوقتل کیا، ڈاکٹر رفیق کی بیٹی رات سے گھرنہیں آئی تھی، صبح گاڑی میں ایک لڑکا ڈاکٹررفیق کی بیٹی کوچھوڑنے آیا۔
حکام کا کہنا تھا کہ جس پر گاڑی میں موجود نوجوان اورڈاکٹرمیں تلخ کلامی ہوئی اورفائرنگ کاتبادلہ ہوا اور ڈاکٹرنےگاڑی میں موجود لڑکےاوراپنی بیٹی کوگولیاں مارکرقتل کردیا۔
پولیس نے کہا ہے کہ جائے وقوع پر کرائم سین یونٹ کو طلب کرلیا گیا ہے ،واقعہ کیسےپیش آیاتحقیقات کی جا رہی ہیں۔
