اسلام آباد: رواں مالی سال کے پہلے 8 ماہ میں بجٹ خسارے کا حجم 800 ارب سے زیادہ ہوگیا۔ عالمی مالیاتی اداروں نے بھی رواں سال بجٹ خسارہ مقررہ ہدف سے تجاوز کرجانے کی پیش گوئی کی ہے۔
تفصیلات کے مطابق جاری اور تجارتی کھاتوں کے خسارے میں اضافے کے بعد رواں مالی سال کے پہلے 7 ماہ میں بجٹ خسارے کا حجم ملکی مجموعی قومی پیداوار کا 2.3 فیصد ہو گیا ہے۔
جولائی تا جنوری بجٹ خسارے کے حجم میں 830 ارب روپے ہوگیا ہے۔
وزارت خزانہ کی جانب سےجمع کروائے گئے اعداد و شمار کے مطابق بجٹ خسارہ اگرچہ کم ہے مگر رواں سال کے لیے مقرر کیے گئے ہدف سے زیادہ رہنے کا امکان ہے۔
رواں مالی سال کے لیے حکومت نے 14 سو ارب روپے بجٹ خسارے کا ہدف مقرر کیا ہے۔ گزشتہ مالی سال بجٹ خسارے کا حجم ملکی مجموعی پیداوار کا 5.1 فیصد رہا تھا۔
انٹرنیشل مانیٹری فنڈ (آئی ایم ایف) نے بھی بجٹ خسارہ 5 فیصد رہنے کی پیش گوئی کی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
