اسلام آباد: بجلی صارفین پر مزید 46 ارب 53 کروڑ روپے کا بوجھ ڈال دیا گیا، سہہ ماہی ایڈجسٹمنٹ کی مد میں بجلی 1 روپے 24 پیسےفی یونٹ مہنگی ہو گئی۔
اے آر وائی نیوز کے مطابق نیپرا نے سہہ ماہی ایڈجسٹمنٹ کی مد میں بجلی کی قیمت میں اضافہ کردیا ہے، بجلی کی قیمتوں میں اضافے سےصارفین پر 46 ارب 53 کروڑ روپے کا بوجھ پڑے گا.
سہہ ماہی ایڈجسٹمنٹ کی مد میں بجلی کی قیمت 1 روپے 24 پیسےفی یونٹ کے حساب سے بڑھائی گئی ہے۔
اس حوالے سے نوٹیفکیشن جاری کردیا گیا ہے جس کے مطابق بجلی کی قیمت میں اضافےکا اطلاق جولائی، اگست اور ستمبر کے بلوں میں ہو گا.
