site
stats
عالمی خبریں

امریکی شہر بوسٹن میں ٹیکسی ڈرائیور نے گاڑی ہجوم پر چڑھا دی، 10افراد زخمی

بوسٹن : یورپ کے بعد امریکہ میں بھی ٹیکسی ڈرائیور نے گاڑی ہجوم پر چڑھا دی، جس کے نتیجے میں دس افراد زخمی ہوگئے۔

تفصیلات کے مطابق امریکی شہر بوسٹن میں ٹیکسی ڈرائیور نے گاڑی ہجوم پر چڑھادی، واقعے کے نتیجے میں 10 افراد زخمی ہوگئے۔ ریسکیو ادارے نے فوری طور پر جائے وقوعہ پر پہنچ کر زخمیوں کو طبی امداد کے لیے اسپتال منتقل کیا۔

واقعہ بوسٹن ایئرپورٹ کے باہر پیش آیا، پولیس نے 56 سالہ ڈرائیور کو گرفتار کرلیا ہے، جس سے تفتیش کی جارہی ہے۔

واضح رہے کہ یورپ میں آئے دن لوگوں پر گاڑیاں چڑھانے کے کئی واقعات پیش آچکے ہیں۔


مزید پڑھیں : لندن، خاتون نےعید گاہ کے باہرنمازیوں پرگاڑی چڑھا دی


اس سے قبل برطانیہ کے علاقے نیو کاسل میں خاتون نے عیدا لفطر کے موقع پر عید گاہ کے باہر نمازیوں پر گاڑی چڑھا دی تھی، جس کے نتیجے میں 2بچوں سمیت 6افراد زخمی ہوگئے تھے جبکہ پولیس نے خاتون ڈرائیور کو گرفتار کرلیا تھا۔

ا تاہم ابتدائی تفتیش سے یہ بات سامنے آئی تھی کہ حادثہ دہشت گردی یا نفرت پر مبنی نہیں تھا بلکہ اتفاقیہ طور پر پیش آیا۔

اس سے قبل پیرس کے مضافاتی علاقے کریٹیل میں مسجد کے قریب ہجوم پرگاڑی چڑھانے کی کوشش کرنے والے شخص کو پولیس نے گرفتار کرلیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top