کراچی: عید الضحیٰ کے موقع پر کراچی میں مویشی منڈی ناردرن بائی پاس پر لگائی جائے گی۔
ترجمان مویشی منڈی یاور رضا چاؤلہ کا کہنا ہے کہ مویشی منڈی 2023 نادرن بائی پاس پر قائم ہوگی، جس کا مقصد ملک بھر سے آنے والے مویشی مالکان اور کراچی کے شہریوں کو بہتر سے بہتر سہولیات فراہم کرنا ہے۔
انھوں نے کہا کہ سہراب گوٹھ مویشی منڈی تبدیل کرنے کی وجہ رہائشی سوسائٹیز تھیں، مویشی منڈی انتظامیہ نے اس بار نادرن بائی پاس پرم ویشی منڈی 2023 لگانے کا فیصلہ کیا۔
انھوں نے کہا کہ مویشی منڈی میں شہریوں کو قربانی کے جاروں کی خریداری کے لیے بنیادی سہولیات فراہم ہوں گی، مویشی منڈی میں سیکیورٹی، گاڑیوں کی پارکنگ، مویشیوں مالکان کو سہولیات کی فراہمی کے لیے پہلے سے بہتر اقدامات کیے گئے ہیں۔
ایک ماہ تک مویشی منڈی میں 70 سے 80 ہزار مویشی مالکان کو ہر ممکن سہولیات فراہم کی جائیں گی، اور انھیں مختصر قیام کے دوران پانی، بجلی، جانوروں کے لیے چارہ وہاں موجود لوگوں کے لیے کھانے پینے کی سہولیات فراہم کی جائیں گی۔
مویشی منڈی 2023 نادرن بائی پاس پر پچھلے بارشوں اور سیلاب کو مدنظر رکھتے ہوئے پہلے سے زیادہ بہتر اقدامات کیے جا رہے ہیں۔
