اسلام آباد:رواں سال کے پولیو پازیٹوسیوریج سیمپلز کی سنچری مکمل ہوگئی، 9 شہروں کے12 سیوریج سیمپلز میں پولیو وائرس کی تصدیق ہوئی۔
تفصیلات کے مطابق ملک میں سیوریج لائنوں میں پولیو وائرس کاپھیلاؤ نہ رک سکا ،رواں سال کے پولیو پازیٹو سیوریج سیمپلز کی سنچری مکمل ہوگئی۔
نیشنل پولیو لیبارٹری نے سیوریج سیمپلز ٹیسٹنگ رپورٹ تیار کرلی ہے، جس میں 9 شہروں کے12 سیوریج سیمپلز میں پولیو وائرس کی تصدیق ہوئی، جس کے بعد سال 2024 کے پولیوپازیٹو سیوریج سیمپلز کی تعداد 109 تک پہنچ گئی۔
ذرائع کا کہنا ہے کہ 9 شہروں سے پولیو ٹیسٹ کیلئے سیمپلنگ 1 تا 15 اپریل ہوئی تھی، چاروں صوبوں کے 33 اضلاع کی سیوریج پولیو پازیٹو ہو چکی ہے۔
ذرائع کے مطابق 2023 میں 23 اضلاع کے 126 سیوریج سیمپلز پولیو پازیٹو نکلے تھے،سیوریج میں وائلڈ پولیو وائرس ون، وائے بی تھری اے کلسٹر پایا گیا ہے۔
ذرائع نے کہا کہ کراچی،کوئٹہ،سکھر،حیدرآباد،میرپورخاص ، جامشورو، چمن،جیکب آباد،نصیرآباد ، کراچی ویسٹ خمیسو گوٹھ ، کیماڑی اورنگی نالہ کی سیوریج پولیو پازیٹو ہےٕ۔
میرپورخاص میں رنگ روڈ پوران ، حیدر آباد میں تلسی داس، لطیف آباد اور جیکب آباد میں صدر پمپنگ اسٹیشن کی سیوریج میں پولیو کی تصدیق ہوئی۔
جامشورو ڈرین کے بی فیڈر، سکھر مکہ پمپنگ سٹیشن سائٹ، کوئٹہ میں ریلوے پل،نصیر آباد کی واپڈا کالونی پولیو زدہ ہے جبکہ چمن میں آرمی کازیبہ،ہادی پاکٹ کی سیوریج لائنز میں پولیو پایا گیا ہے،رواں برس ملک میں پولیو وائرس کے دو کیسز رپورٹ ہو چکے ہیں۔
