اسلام آباد: وفاقی حکومت نے آزاد کشمیر کے انتخابات میں فوج تعینات کرنے کا فیصلہ کرلیا ہے۔
وفاقی وزیر داخلہ چوہدری نثار نے پریس کانفرنس کرتے ہوئے بتایا کہ آزاد کشمیر کے انتخابات میں فوج تعینات کی جائے گی۔
انہوں نے کہا کہ اسٹریٹ کرائمز پر قابو پانا پولیس کا کام ہے رینجرز کا نہیں۔
انہوں نے عمران خان پر تنقید کرتے ہوئے کہا کہ وہ کرپشن کے خلاف تحریک چلانے جارہے ہیں۔ میں نے سنا ہے ان کے کنٹینر پر بلاول بھٹو آئیں گے۔ میری درخواست ہے کہ بلاول بھٹو کو اپنے کنٹینر پر چڑھانے سے پہلے ان سے سرے محل، ڈائمنڈ نیکلس اور سوئس بینک اکاؤنٹس کا بھی پوچھیں۔
انہوں نے کہا کہ الزامات اور ڈرامائی تقریریں کرنے سے مسئلہ حل نہیں ہوتے۔
چوہدری نثار کا کہنا تھا کہ اویس شاہ کے مجرموں اور امجد صابری کے قاتلوں کا سراغ لگا کر رہیں گے۔
Comments
- Advertisement -
