چاڈ : افریقی ملک چاڈ میں تین خودکش دھماکوں میں تین افراد ہلاک اور اسی سے زائد افراد زخمی ہوگئے۔
تفصیلات کے مطابق چاڈ کے جزیرے کولفوا میں ایک بازار سمیت مختلف مقامات پر تین خودکش بمباروں نے خود کو اڑا لیا، جس کے نتیجے میں حملہ آوروں سمیت تیس افراد ہلاک جبکہ اسی زخمی ہوگئے۔
کسی گروپ کی جانب سے حملوں کی زمہ داری قبول نہیں کی گئی تاہم حکام کی جانب سے شدت پسند تنظیم بوکو حرام پر الزام عائد کیا گیا ہے۔
حکام کا کہنا ہے کہ چاڈ میں شدت پسند تنظیم بوکو حرام کے جنگجوؤں تیزی سے اپنی پناہ گاہیں قائم کررہے ہیں، اس ضمن میں حکومت کی جانب سے گزشتہ ماہ ہنگامی طور پر ایمرجنسی نافذ کر دی تھی جب کہ 5000 سے سے زائد فوجی اہلکار کو سیکیورٹی پر معمور کیا گیا ہے۔
گزشتہ ماہ سے بوکو حرام کی جانب سے حملوں میں تیزی آئی ہے اس سے قبل بوکو حرام کے حملے میں اکتالیس افراد ہلاک ہوئے تھے۔
واضح رہے کہ نائجیریا میں شدت پسند تنظیم بوکوحرام اپنی مرضی کا نظام حکومت نافذ کرنے کے لئے کئی برس سے مسلح کارروائیاں کررہی ہے جس کے نتیجے میں اب تک ہزاروں افراد ہلاک ہوچکے ہیں۔
