پی ایس ایل فور کا فائنل17مارچ کو کراچی میں ہوگا، چیئرمین پی سی بی احسان مانی -
The news is by your side.

Advertisement

پی ایس ایل فور کا فائنل17مارچ کو کراچی میں ہوگا، چیئرمین پی سی بی احسان مانی

لاہور : چیئرمین پی سی بی احسان مانی نے کہا ہے کہ پی ایس ایل فور کا فائنل17مارچ کو کراچی میں کرایا جائے گا، آخری 8میچز بھی پاکستان میں ہوں گے، فرنچائز مالکان کے تحفظات دور کریں گے۔

تفصیلات کے مطابق چیئرمین پی سی بی کی زیرصدارت پی ایس ایل گورننگ کونسل کا اجلاس لاہور میں ہوا جس میں بتایا گیا کہ پی ایس ایل فور14فروری سے یواے ای میں شروع ہوگا، ایونٹ کا فائنل17مارچ کو کراچی میں کرانے کا فیصلہ کیا گیا جبکہ پی ایس ایل فور کے آخری 8میچز بھی پاکستان میں منعقد ہوں گے۔

اجلاس سے خطاب کرتے ہوئے چیئرمین پی سی بی احسان مانی نے کہا کہ وزیراعظم عمران خان کی خواہش پر پی ایس ایل کو سب سے بڑا برانڈ بنانا ہمارا مشن ہے، وزیراعظم پی ایس ایل کو مزید کامیاب دیکھنا چاہتے ہیں، پی ایس ایل 4 کا ڈرافٹ اکتوبر کے آخری ہفتے میں ہو گا اور ہر فرنچائز 10 کرکٹرز کو برقرار رکھ سکے گی۔

اس موقع پرچیئرمین پی سی بی نے فرنچائز مالکان کو ان کے تحفظات دور کرنے کی یقین دہانی کرائی، احسان مانی نے ہدایات دیں کہ تمام پارٹنر اور فرنچائزز کے کام کو شفاف بنایا جائے۔

متفقہ طورپر یہ فیصلہ کیا گیا ہے کہ فرنچائز کا نمائندہ بڈ کمیٹی کا حصہ ہوگا، کمیٹی کا نمائندہ پی ایس ایل کے مختلف رائٹس کا فیصلہ کرےگا، اجلاس میں فرنچا ئزمالکان نے احسان مانی کو چیئرمین پی سی بی بننے پرمبارکباد پیش کی۔

Comments

comments

یہ بھی پڑھیں