بلوچستان ہائی کورٹ نے چیئرمین پی ٹی آئی کے خلاف بجلی گھر تھانے میں درج ایف آئی آر خارج اور ناقابل ضمانت وارنٹ گرفتاری معطل کر دیے۔
اے آر وائی نیوز کے مطابق بلوچستان ہائی کورٹ سے چیئرمین پی ٹی آئی اور سابق وزیراعظم کو بڑا ریلیف مل گیا۔ عدالت نے ان کے خلاف بجلی گھر تھانے میں درج مقدمہ خارج کر دیا جب کہ جوڈیشل مجسٹریٹ ون کی جانب سے جاری کیے گئے نا قابل ضمانت وارنٹ گرفتاری بھی معطل کر دیے۔
مذکورہ مقدمے کی سماعت بلوچستان ہائی کورٹ کے چیف جسٹس نعیم اختر افغان کی سربراہی میں جسٹس گل حسن ترین پر مشتمل دو رکنی بینچ نے کی اور فریقین کے دلائل سننے کے بعد فیصلہ سنا دیا۔
واضح رہے کہ چیئرمین پی ٹی آئی پر اداروں کے خلاف ہرزہ سرائی کے الزام پر شہری نے مقدمہ درج کرایا تھا جس پر جوڈیشل مجسٹریٹ ون نے ان کے ناقابل ضمانت وارنٹ گرفتاری جاری کیے تھے۔
مذکورہ مقدمے اور نا قابل ضمانت وارنٹ گرفتاری کو پی ٹی آئی کے وکلا نے بلوچستان ہائیکورٹ میں چلینج کیا تھا۔