اسلام آباد: چیئرمین سینیٹ صادق سنجرانی نے راہنما تحریک انصاف سینیٹر اعظم سواتی کی ویڈیوز کے معاملے پر پارلیمانی لیڈرز پر مشتمل کمیٹی بنانے کا اعلان کر دیا۔
چیئرمین سینیٹ صادق سنجرانی نے اپنے بیان میں کہا کہ اعظم سواتی کی ویڈیوز کے معاملے پر پارلیمانی لیڈرز پر مشتمل کمیٹی میں تمام جماعتوں کے رہنما شامل ہوں گے، کمیٹی اپنی رپورٹ مرتب کر کے ایوان میں پیش کرے گی۔
صادق سنجرانی نے کہا کہ اعظم سواتی کے ویڈیوز سے متعلق انکشافات قابلِ مذمت اور افسوس ناک ہیں، سینیٹر کے انکشاف سے دلی رنج اور تکلیف پہنچی، وہ ایک ایماندار اور قابلِ عزت شخصیت کے مالک ہیں، انہیں کوئٹہ بطور مہمان بہترین رہائش فراہم کی۔
یہ بھی پڑھیں: میں پاکستان کی طرف سے اعظم سواتی کی اہلیہ سے معافی مانگنا چاہتا ہوں، عمران خان
انہوں نے کہا کہ تمام سینیٹرز بلاتفریق قابلِ احترام اور خاندان کے مانند ہیں، اعظم سواتی میرے خاندان کے ممبر کی طرح ہیں، بطور مسلمان و بلوچ اخلاقی اقدار سے بخوبی آگاہ ہوں، وہ ایوان کے باعزت ممبر ہیں ان کی تکالیف کا ادراک ہے۔
چیئرمین سینیٹ محمد صادق سنجرانی کا پی ٹی آئی کے سینیٹر اعظم سواتی کے بیان پر پارلیمانی لیڈرز پرمشتمل کمیٹی بنانے کااعلان۔
سینیٹراعظم سواتی کی ویڈیو سے متعلق انکشاف قابل مذمت اور افسوسناک ہے،صادق سنجرانی
سینیٹراعظم سواتی کے انکشاف سے دلی رنج اورتکلیف پہنچی۔ صادق سنجرانی
1/4
— Senate of Pakistan (@SenatePakistan) November 5, 2022
