اسلام آباد: وفاقی وزیر داخلہ کا کہنا ہے کہ ای سی ایل میں نام شامل کرنے کا اختیار صرف وزارت داخلہ کے پاس ہے، پاسپورٹ کنٹرول لسٹ میں سے باون ہزار افراد کے نام نکال دیئے ہیں ۔
وفاقی وزیرِداخلہ چوہدری نثار نے نئی پالیسی کا اعلان کردیا، اسلام آباد میں پریس کانفرنس کرتے ہوئے چوہدری نثار نے کہا کہ ای سی ایل میں نام صرف وزارتِ داخلہ ہی ڈالے گی، اعلیٰ عدالتی احکامات اور ایجنسیز کی سفارش پر نام ای سی ایل میں شامل کیے جائیں گے۔
چوہدری نثار نے کہا کہ پاسپورٹ کنٹرول لسٹ سے باون ہزار افراد کے نام نکال دیے ہیں۔
- Advertisement -
وزیرِ داخلہ نے بتایا کہ شجاع خانزاہ کا کیس اب تک حل طلب ہے، قومی سلامتی پر وزیرِاعظم کی سربراہی میں چاروں وزرائے اعلیٰ کا اجلاس ستمبر میں ہوگا، چوہدری نثار نے کا کہنا تھا کہ کامیاب آپریشن کے بعد سوا سال سے اغواء چینی شہری کو بازیاب کرالیا۔
