اسلام آباد: چیف الیکشن کمشنر سکندر سلطان راجہ کو کینیڈا میں سفیر بنائے جانے کی خبروں پر ترجمان ای سی پی کا رد عمل آ گیا، ترجمان کا کہنا ہے کہ یہ ایک گمراہ کن افواہ ہے۔
ترجمان الیکشن کمیشن کے مطابق چیف الیکشن کمشنر کو کسی ملک کا سفیر بنانے کی خبریں بالکل بے بنیاد ہیں، یہ گمراہ کن افواہ ہے کہ چیف الیکشن کمشنر کو کسی ملک کا سفیر بنایا جا رہا ہے۔
چیف الیکشن کمشنر کو کینیڈا میں سفیر لگایا جا رہا ہے، عمر ایوب
ترجمان نے کہا نہ ہی حکومت نے ایسی کوئی آفر کی اور نہ ہی چیف الیکشن کمشنر کا ایسا ارادہ ہے، وہ اپنی مدت مکمل کرنے کے بعد بھی ملک میں ہی رہیں گے، سکندر سلطان راجہ کسی بھی بیرون ملک اسائنمنٹ کے طلب گار نہیں ہیں۔
چیف الیکشن کمشنر سکندر سلطان راجہ ایک ہفتے کیلئے بیرون ملک روانہ
ای سی پی ترجمان نے خبردار کیا کہ ایسی افواہیں پھیلانے والےاور بڑھانے والوں کو تنبیہ کی جاتی ہے، ذمہ داری کا مظاہرہ کریں ورنہ ان کے خلاف قانونی کارروائی کی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں