The news is by your side.

Advertisement

پاکستان کو چین کی جانب سے بڑا ریلیف مل گیا

بیجنگ : چین پاکستان کیلئے 25 ارب ڈالر کمرشل لون رول اوورکرنے پر آمادہ ہوگیا ، شاہ محمودقریشی کا کہنا ہے کہ چین نے پیغام دیا ،ہمیشہ پاکستان کا پر اعتماد ساتھی رہا ہے اور رہے گا۔

وزیرخارجہ شاہ محمودقریشی نے چینی وزیر خارجہ وانگ ژی سے ملاقات کےبعد ویڈیو پیغام میں کہا ہے کہ چین پاکستان کیلئے25ارب ڈالرکمرشل لون رول اوورکرنے پر آمادہ ہوگیا ہے اور تمام چینی قرضوں کو رول اوور کرنے سے متعلق آگاہ کردیا ہے۔

وزیر خارجہ کا کہنا تھا کہ چینی وزیر خارجہ وانگ ژی سے بہت اچھی ملاقات ہوئی ، پلس ڈیزل کی سپلائی اگر کوئی کمی ہو تو چین مہیا کرے گا، چین نے پیغام دیا ،ہمیشہ پاکستان کا پراعتماد ساتھی رہا ہے اور رہے گا۔

انھوں نے مزید کہا کہ چینی وزیرخارجہ نےدورہ کابل اوربھارت پربریفنگ دی اوراعتمادمیں لیا، انھوں نے کہا ہے کہ حکومت پاکستان اور چین کے مؤقف میں ہم آہنگی ہے۔

یاد رہے وزیر خارجہ شاہ محمود قریشی سے چینی ہم منصب کی ملاقات ہوئی تھی ، ملاقات کے دوران دو طرفہ اسٹریٹجک، اقتصادی، سیکیورٹی تعاون اور افغان امن سمیت مختلف علاقائی اور عالمی امور پر گفتگو ہوئی۔

دوران ملاقات وزیر خارجہ شاہ محمود قریشی نے پاک چین اسٹریٹجک پارٹنر شپ کو مضبوط بنانے کا عزم کیا اور ون چائنہ پالیسی اور چین کے بنیادی مفادات کی حمایت کا بھی اعادہ کیا۔

Comments

یہ بھی پڑھیں